鄧萃雯下一個目標中國影后
介紹上帝畀黎姿
10位得獎藝員昨日出席新城舉辦的「點正娛樂黑白新視『角』嘉獎大典2004」活動，「白．演繹大獎」得主有佘詩曼、林保怡、黃子華、薛家燕及萬綺雯，而「黑．演繹大獎」分別有鄧萃雯、黎姿、魏駿傑、石修及陳啟泰。大會特別安排GiGi與雯女同台領獎，雯女說：「唔使咁刻意。」當播完《金枝慾孽》片段，雯女提議現場演一次，嚇到GiGi呆了一呆。雯女指GiGi這場戲要喊比較難演，今次她演「如妃」奸角大受歡迎，笑言：「因為我個人好，中和番！」如果再有機會與她合作，GiGi希望演逃亡姊妹。
《金枝慾孽》三個女主角昨日齊齊得獎，GiGi開心說：「咪好囉！皆大歡喜。雯女邀請我參加藝人之家聖誕派對，我哋關係唔係外間傳得咁差，鬥戲只在劇中鬥啫！」她認為今年大豐收，攞女主角獎可說是人生無憾，下一個目標是如陳慧琳般取得傑青；GiGi有「小富婆」之稱，但她說：「唔係咁富，都諗過返內地建學校，但又擔心所託非人。」
劉曉慶是盲公竹
雯女強調與GiGi見面不覺得尷尬，她反問：「同黎姿點解會尷尬？（你哋去到邊鬥到邊！）局面咁係你哋做出嚟，台下一場戲。我都有約GiGi同阿佘參加藝人之家嘅Party，不過阿佘要開工嚟唔到。我愛佢哋都嚟不切，點會尷尬呢！對我來講唔會有憎恨及妒忌，只有愛！台慶前後GiGi面對是非好大壓力，比着我都頂唔順，我最重要嘅任務係介紹上帝畀佢識，至於入唔入會就要慢慢嚟。」雯女強調攞獎不會麻木，下一個目標是「中國影后」，劉曉慶是她的前輩，又是她在內地拍戲的盲公竹。
佘詩曼回顧過去一年成績感到很滿足，《金》劇得到多個獎項，她得不到「女主角獎」是否有點瑕疵？阿佘說：「自己有份參與演爾淳角色已經第二次攞獎，咁多人支持，每年有一部咁勁嘅劇就發達囉。」明年2月她會拍《隨時候命》新劇，與鄭伊健及林保怡合作。
新城娛樂台台長朱明銳（前排左一）及甘國亮（後排左一）等，與獲獎的藝人合照。
BACK