石修不過問兒子緋聞 18/09/2003
石修、康華前晚與四位現場觀眾為第五集《橫掃千金》進行錄影，賽前修哥（石之暱稱）慷慨地表示，他只是「志在參與、不求攞獎金」。笑問修哥無心戀戰，為何又要參加？他解釋說︰「咁人哋一場嚟到嘛，所以我咪希望係其他參賽者攞獎金多啲囉﹗」結果修哥不敵兩位現場觀眾，只得季軍，奪得獎品總值逾2萬8千元。

康華對窿心有餘悸

　此外，日前有報道指修哥兒子陳宇琛因為拍攝《當四葉草碰上劍尖時》，與同劇演員唐詩詠日對夜對而日久生情，於是飛甩舊愛嘉碧儀。記者問到修哥此事？他一臉茫然地說︰「唐詩詠？邊個黎架！（咁陳宇琛一定未帶過佢返屋企見你啦？）其實我都唔過問佢呢啲嘢嘅，重咁八卦咩﹗我相信都係花邊新聞，同事一齊開工啫！我都成日有同女同事一齊㗎，但你哋無寫之嘛！」

　康華表示，參加《橫》比起上次參加《一觸即發》時輕鬆得多，她說︰「嗰次要跌窿真係好驚，今次無窿我先肯嚟咋！而且今次又可以用選擇題作答無咁瘀嘛，記得有次有個人（佘詩曼）玩《智在必得》，俾肥姐問現任美國總統係邊個，之後佢答列根，結果俾肥姐話佢，真係好瘀囉！」

 　

BACK