我始終冇放棄打電話比詩詩,離開之前再打多一次~

---嘟嘟---嘟嘟---嘟嘟

但係都仲係冇人聽電話~於是,我就好唔安樂既心情去搵玲玲諗住問佢~

今次,早到既唔係我,而係翠翠,玲玲,YoYo同埋亞Cat~

[你地記住唔好喊呀~]其實玲玲想喊,只係一直忍住~

[點呀?邊個話比Derrick知?]Cat問

[玲玲啦~~]翠翠即刻答~

[喂~你~~做咩揀我呀?~~嗚]玲玲忍唔住喊~

[喂呀~~你唔好喊~~唔好呀~~嗚]YoYo佢地都忍唔住喊~

我同最快既速度由長沙灣趕到美孚~[嗄....sorry呀~要你地等~]

[點解你地喊ge?詩詩呢?發生左咩事呀?]

---死寂---

[詩詩呢?做咩呀??快d話我知呀!]

面對住我,玲玲佢地顯得好徬徨,好驚,一邊喊一邊你眼望我眼,唔知點算好~但係,翠翠,Cat同YoYo既眼光都直指住玲玲,好自然,玲玲就成為左我發問既目標~

我見佢地四個人一直喊唔停,已經知道好唔妥,但係,我點都信唔到事實會係咁殘酷~

[玲玲,我知你係知道ga~快d話我知,詩詩呢?]

[詩詩佢~~]玲玲實在傷心到不得了,或者真係喊得太累,或者真係需要人安慰,仲未講完就走上前攬住我,始終佢都仲係個女仔~翠翠佢地都一齊攬住我~

[佢點呀?]我既語氣都變得溫柔左~

玲玲始終都係要將個真相話比我知~[佢琴晚血癌病發死左~~~]

[點會ga......唔會ga.....你地呃我....呃我....]前幾日仲一齊行街,唱歌,擁吻,而家.......叫我點接受得到?

[真ga!係真ga!詩詩佢仲千叮萬囑叫我地千萬唔好同你講,但....我真係做唔到...做唔到呀...詩詩,對唔住!對唔住!]玲玲既認真,另到我根本出唔到聲~

[Derrick!係真ga,玲玲冇呃你~詩詩已經......]加上翠翠既確定,另到我唔可以唔信~

但我冇喊,只係好冇意識咁攬住佢地~[唔好喊~你冇錯~]

[Derrick...]

好唔容易,玲玲佢地先將事實全部話哂比我知~我雖然冇喊出黎,但o係我心裡面既傷痛比任何邊個都要痛,心裡面既傷痕比任何邊個都要深,但我既痛又有邊個會知~

[詩詩......你真係傻~你地點解唔一早話我知?]

[全部都係詩詩既主意~佢唔想令你擔心~]

[詩詩.....我愛你~永遠,永遠愛你~]

自從呢件事之後,我變得更加成熟,更加識得珍惜眼前既一切,因為聽日會變成點係冇辦法預料~

但無論世界變成點,我都唔會唔記得詩詩~琴日唔會,今日唔會,聽日唔會,永遠都唔會~o係我心目中,詩詩永遠係我既最愛,冇人比佢更重要~

第十集完