離開左將軍渙華人永遠墳場,因為我要返學校上堂,所以好匆忙咁走左,剩低玲玲,Cat同埋YoYo三個人~

[還掂請左假,不如去行街丫~]玲玲最多主意~

一路上,佢地有講有笑,同以往一樣~~

[你睇Derrick有冇新女朋友?]YoYo問~

[我睇冇喇~佢應該仲好愛詩詩~]Cat真係好聰明~

[我睇都係,Derrick冇咁易唔記得詩詩ge~]玲玲都和議~

[既然冇新女朋友,咁玲玲你咪有機會囉?]

[蝦~!Cat,你講咩呀....?]

[你唔係鍾意Derrick ga咩?詩詩曾經同我地講過啵~~]

[唔係呀~~我只係隨便up下咋~~你地唔好~~]

玲玲突然面紅,Cat同YoYo見到玲玲咁大反應,就乜都唔洗講啦~

女仔行街點都唔會空手走人ge,佢地拎住幾袋行街既"戰利品"之後,先至覺得肚餓,因為已經六點幾,佢地就係咁過左成個下午~~

就o係玲玲o係精品店睇得好入神果陣,Cat同oYo去左打電話比我~

至於我呢,放左學之後就返左屋企睇電視,睇漫畫~~~電話突然響起~~

我拎起聽筒,只係聽到:

[Derrick,你而家得唔得閒呀?一齊食晚飯丫~]Cat o係度扮玲玲搵我~

[你係亞Cat?你地而家o係邊呀?]

[唔係呀~我係玲玲呀~你聽錯喇~]唔好試我,你會後悔!

[你發神經呀?我點會聽錯呀?你地而家o係邊,我而家過黎~]

[比你發現左tim,都唔好玩ge~我都而家o係東急,你係咪真係過黎ga?]

[係呀~咁七點o係新世界中心正門等啦~]

[OK~Bye~]

擺低聽筒,我就去新世界中心同亞Cat佢地會合~~另一方面.Cat同YoYo用最快速度跑返精品店~返到精品店,玲玲依然睇得好入神,Cat同YoYo先鬆左啖氣,佢地岩岩以為玲玲走左~

[你仲o係度睇,我地岩岩行左果邊睇呀,差d以為你走左~]玲玲點會走~o係精品店裡面睇野睇到發白夢係佢專長~

[你地睇下~得唔得意呀?如果有人送比我你話幾好~]

[我地唔會送比你ga~Derrick黎左你叫佢送比你咪得囉~~]

[Derrick黎咩?頭先佢冇講ge?]

[我地岩岩叫佢黎ga~快d行啦,唔好比佢又要等我地~]

果然,今次係佢地等我~我未到七點就到左新世界中心,見佢地o係度等,都覺得好奇怪~

[我已經早到喎,你地仲早過我ge?]

[唔通次次都要你等我地咩?]

[哦~~咦~~玲玲有病咩?點解咁靜ge?]因為玲玲而家仲發緊白夢~

[唔洗講都知啦,仲諗緊剛才果個公仔~係咪?]Cat,你而家講咩都冇用,玲玲而家佢咩都聽唔到ga~

[咩公仔呀?]我好奇咁問~

[頭先o係Kalms裡面睇到ge,一隻粉藍色,好sporty既Pochacco公仔,玲玲睇左好耐~]

[哦~~你真係咁鍾意?]呢句玲玲反而聽到~

[係呀~好cute,好得意~]

[既然真係咁鍾意,咁我送比你啦~]點解要送比佢?唔知道~

[太好喇~多謝Derrick~]玲玲佢終於發完夢喇,因為唔洗再發~

[Derrick我又要~]     [係~我都要~]女仔最鍾意咁~

[嗄~!你地講咩呀?].......

[喂~Derrick我都要呀~]       [我都要呀~你聽唔到咩?]

[嗄~!你地講咩呀?快d係食飯啦~]

冇見一年,我同佢地既友誼冇因為時間而沖淡左~

第十二集完