第二朝一醒,玲玲佢地已經特別為我準備好早餐~

[早晨~訓醒喇?煮好左早餐呀,快d食啦~]

[早晨~~你地真係快手~連校服都換好哂~]

我換好校服之後,就同玲玲佢地一齊食早餐~

[唔錯喎~係邊個整ga?係咪YoYo?]

[係我地一齊煮ga,但最主要都係玲玲~]  [係呀~主要都係玲玲~]

[哦~我諗第日如果邊個可以同玲玲一齊既話果個人真係幸福!]真係咩?

[Derrick,咁你同佢一齊好喇~]

[喂!Cat你....]玲玲佢面紅~

[哈~我冇咁既福氣~]咁又係~~

哈哈哈哈~~~~

食完早餐之後,我先送佢地返學校,然後我自己先返學校上堂~

星期日,我同玲玲佢地去Karaoke~

[Derrick!........]玲玲個樣好愁眉苦臉咁~

[咩事?]

[...你...你聽日可唔可以黎學校接我放學呀?]

[咦喂~點解呢?]

[因為星期五果日有個男仔等我放學呀...]

[係呀~果日我地都o係度,果個男仔好似想識玲玲咁~]仲洗你講咩~個個都睇得出啦~

[玲玲,咁你不如比個機會佢啦~]我笑住對玲玲講~

[我唔要呀~你咁講即係唔想接我,咁算啦~~]

[嗯~唔好嬲啦~我黎接你啦~]

[真ge?太好喇~~]

[Derrick,你唔會只係接玲玲一個ga可~~]Cat,你冇男仔接放學掛~

[既然到得你地學校,咁緊係等埋你同亞Cat放學啦~]

[好野~~]

∼鈴鈴鈴鈴∼

到星期一放學既時候.....

[Bye~]  [聽日見~]

[ByeBye~]

我已經到左玲玲讀果間學校門口~~

[Derrick?]玲玲佢地都出左黎~

[係咪果個男仔呀?]我睇住企o係學校門口另一面個男仔~~

[係呀~]講完之後玲玲就拖住我隻手走,果個男仔就睇住玲玲~

[喂喂~~果邊個傻仔~唔洗望喇~佢有仔ga~]YoYo對住個男仔大叫~

[係囉~唔好自作多情啦~]亞Cat附和~~佢地一唱一和,開心到不得了~

就咁樣,果個男仔就以後都冇再出現喇~