自此之後,我每日都陪住玲玲,同玲玲佢一齊溫書~得閒果陣,我會o係玲玲屋企上網,到chatroom傾計,當然啦,玲玲有時都會陪我一

齊上網ge~因為我叫"小炳",所以玲玲都改左叫"小玲",我地兩個成日用[小炳&小玲]個名o係chatroom果度同其他人傾計,非常思愛~

會考完左,小玲,Cat同YoYo又開始左一個漫長既暑假,而我每日都仲係要返學,但每晚都會同小玲佢地一齊~

六月既一個星期五,我好似平時咁o係學校上堂,突然間電話有message送過黎~

[小玲:你學校o係邊呀?我蕩失路呀,點算?]

我果一刻諗:

[有冇搞錯呀?我只係話你蕩失路,又冇話你而家o係邊,叫我點搵你喎~更何況我而家上緊堂嘛,點算?小玲住o係九龍,不嬲都好少黎

香港島ge,更何況呢度係半山區....點算好...?]

就o係我仲諗緊唔知點算好果陣,我突然間聽到個亞sir話:

[.......今日既課題完喇,大家都應該準備考試,而家可以放學喇~]

[正呀~]呢個唔係我既諗法,全班同學都係咁諗~

我同d同學講完Bye之後就好快咁離開左課室~

我一走出校門就聽到:[Derrick~!]係小玲呀~

[點會...你唔係蕩失路咩?]

[係呀~我明明係到左堅道ga,行下行下,就唔知到左邊度喎,所以咪send message比你囉~]

[咁你點黎ga?]

[搭的士黎ga,岩岩一落車就見到你由學校門口走出黎~]

[哼~擔心你呀~你只係話自己蕩失路,又唔同我講o係邊度,叫我點搵你喎~]

[對唔住呀~到左呢個完全唔識既地方,有d驚嘛~~]小玲有d"扁咀"

[我唔係怪你呀,唔好咁啦~]

[我係特登黎搵你ga,點知會咁喎~]

[喂~我都話左唔係怪你咯,唔好嬲啦,我帶你去食壽司~]其實只係我想去食壽司~

[嗯~壽司?好呀~~快d去~~]小玲就係咁,性情大起大落~

行下行下,經過左一間新世界電話,我帶左小玲入去~

[做咩走入黎呀?要交台費?你唔係Autopay ga咩?]

[唔係~開部電話同電話卡比你~咁我地以後聯絡咪方便d囉~]

[Derrick,你真係好~]

[緊係啦,仲洗你講ge~你想要邊部電話呀?快d揀啦~]

[但好多都好貴喎....]

[都話唔洗同我慳咯~]

[咁就7210啦~]

[先生~有咩可以幫到你~]每當你走入新世界,你都一定會聽到~

[um...我想睇睇果部7210,同埋唔該同我開一張電話卡~]

[好~講問邊位係機主?]

[我登記,比佢既~]我即刻登記~

[小姐~你男朋友對你真係好~]

[呀......]小玲面紅~佢怕羞果陣個樣非常可愛~

登記左張電話卡之後,服務員拎埋部7210比我地試機~~

試完之後~服務員將部機包裝好比我:[楊生,得ga喇~應該係你比佢~]

之後我比左錢服務員之後就交部包裝好既電話比小玲~

[比你ga~咁以後你蕩失路我都可以搵到你~]

[呀!你......]小玲好開心咁接過部電話~

[講笑咋,行啦~快d去食壽司~]