[你唔好以為只有詩詩可以睇通你,我都可以~]

[真係ge?你睇通我d咩?]我好奇心又起~

[你個心只係愛詩詩一個,我係知道ga,但你肯同我一齊,我已經好滿足~但係...]

[但係咩野?]

[我想知道.....]

[你想知道咩野?]

小玲一聲都冇講,呆住咁依住我~我地兩個o係尖東既公園漫步,小玲唔出聲,我都唔出聲,平時既我地係唔會咁~我地兩個都好似有心事,小玲有野想講,但又唔敢開口,佢始終係女仔嘛~

[我知道你係有野想講ga,不妨講出黎啦~]我都可以睇通小玲~

[冇!]

[真係冇?唔通我地兩個全晚都唔講野咩?]

[講你都唔會明白!]

[你唔講我點明?]

[唔.......]

[講啦~講啦~你再唔講既話我搵野塞住隻耳喇!]

[其實你心裡面有冇我?]

我都感覺到小玲會咁樣問~

[點解咁樣問?]

[我想知.....]

[咁樣呀~當然有啦,你係我女朋友嘛~全世界都知道你係我女朋友,全世界都知道我最錫果個係你~]呢個係事實~

[我知道~但我感覺到你心目中最重要既唔係我~]

[咁......]o係我心目中,詩詩既地位係冇人可以代替~

[你放心,我唔係介意d咩,只要你o係我身邊,我已經心滿意足,係真ga~]

[有你咁既女朋友,真係好~]

[哼!咁緊係啦!我識得整壽司啦,煲湯啦......]

哈哈~小玲真係好勁,係一個無敵既女朋友仔~

大家都知道相處既時間只係剩番半年左右,我地兩個都好珍惜每一分每一秒~o係呢半年裡面,有開心,有唔開心.亦曾經分,曾經復合;但係,開心總係比唔開心既多~聖誕節就到,小玲學校有個聖誕舞會,我同小玲一齊出席,我著得好普通,全身黑色;小玲就著左一套連身吊帶裙,非常高貴,再加多年黑色外套,都係全身黑色,令我地兩個成為左全場最襯果對~

舞會中,當播出[Baby Don't Go]果陣,我不知不覺都跟住節奏黎唱~

[Baby Don't Go,Don't Go......]

聽到我唱[Baby Don't Go],小玲微微一笑,緊緊同我擁抱住,輕輕o係我耳邊講左一
句:

[我愛你~]

我聽到之後,突然間好sweet,因為除左詩詩之外,冇一個女仔可以咁樣對我~

[我愛你~]

小玲佢都估唔到我都會對住佢講,心跳得好似就快跳出黎咁~

舞會完左之後,我同小玲先送左Cat同YoYo返屋企,然後到左赤柱海灘漫步,過左一個非常浪漫既聖誕節~