時間過得好快,已經二月十四日,係情人節~小玲二月十六日就要離開香港,呢幾日黎,小玲都忙於執野,當然,我,Cat同

YoYo都有一齊幫手~

[好喇,所以野都執好喇,跟住果兩日可以輕鬆d~]我好似好累咁~

[係呀~真係好多謝你地,冇左你地幫手,我真係唔知點算好~]小玲都好累~

[唔洗客氣~冇咩野要幫ge,你拎走果d大多都係公仔~]Cat,你係咪羨慕?

[好喇,好喇,十二點幾喇~]小炳,你o係度報時?

[咁又點?]

[餓到就快死喇!去食飯啦~]

[Derrick你兩個唔係"有情飲水飽"ga咩?]

[丫~~Cat你....]小玲佢面紅,非常可愛~

雖然係情人節,本來應該係我同小玲既二人時間,但係Cat同YoYo都跟埋我地一齊,因為小玲就快要走~

我地到左尖沙咀食lunch,之後到左海運大廈同海港城行街~夜晚,我地到左水車堅食晚飯,食完飯之後到左尖東海旁~

[嘩~好多人~]

[係呀~今日情人節嘛~緊係多人啦~]

哈哈哈.....我突然間笑~

[做咩呀?笑咩呀?我係咪有d咩唔妥?]小玲即刻望望自己有咩唔妥~

[冇咩野~~你有花收喇~]話未講完,賣花既已經出現o係我地兩個面前~

[先生,今日係情人節,買朵花比女朋友啦~]

[Derrick,唔洗啦....]喂,小玲,唔好口不對心~

[冇問題,將你手上既花全部賣哂比我~]

[Derrick!!]

我將所以既花送哂比小玲~[我要你知道,你係你,詩詩係詩詩,你一直點對我,我係知道ga~]

[你真係好~其實我係知道ga~一直以來,你只係將我,Cat同YoYo當係妹妹,但我在乎天長地久,只在乎曾經擁有.....]

[傻女!]

我微微一笑,將小玲攬得更實~小玲驟然感覺到非常幸福,非常溫暖,係真實既,來自我既,冇錯,呢d溫暖係來自我內心既~

一路上面,冇一個女仔手上既花比小玲既更多,羨慕既目光源源不絕,Cat同YoYo一直o係後面跟住,默默咁守護住呢段感情~

[我仲有野比你~]

[咩黎ga?]

[你唔好問住~!]講完之後就將一隻戒指套o係小玲手指上面~

[呢個係....]小玲好驚喜,成塊面紅哂~呢隻唔係一隻普通既戒指,早一排,我同小玲行街果陣,佢睇中左~小玲雖然年輕,但隻

戒指帶左o係小玲手上之後,顯得小玲佢非常高貴~

[呢個係比你ga,我知你睇中左~]

[Derrick,多謝你~!]

小玲既心已經唔受控制,不其然咁錫左我,腦海裡面只係諗:

[我係Derrick女朋友,係世界上最幸福既女仔~]

呢一晚,我地四個都o係小玲屋企過夜,成晚講呢樣講果樣~我雖然好唔捨得,但絕對唔可以影響小玲既心情,成晚都係

強顏歡笑,其實個心係好酸~~