終於到左二月十六日,小玲真係要離開喇~

小玲係搭下午6點55分果班機,所以我地4點半就開始去機場~

要離開,小玲好唔捨得將門關上~我就拎出條鎖匙,想還番比小玲~

[你留低呢條鎖匙啦~]講完之後就唔捨得咁落樓~~

o係去機1途中1,我地四個一句野都冇講,每個人都有心事,而小玲就好溫柔咁依o係我肩上,非常沉重.....

到左機場,我幫小玲打點所有野,而小玲o係隔離同Cat,YoYo道別~

[可以ga喇,呢個係你既登機證,暫時仲未有閘口編號,你記住入左禁區之後要留意螢幕顯示;仲有呀,一路上你要小心d呀,

返到屋企就即刻打比我,知道未?]可能我個樣又認真又擔心啦,令到小玲微笑起來~~

[知道喇~~]小玲好甜咁答,除左之外,佢唔知應該再講d咩,我既關懷好似澎湃巨浪,將佢衝出無涯海洋,佢感覺永遠都冇可

能搵番自己~

[仲有時間,去機場酒吧好唔好?]    [好呀~]

我最熟識呢個機場~因為每當我好唔開心既時候就會黎機場睇飛機~到左酒吧,剛才既沉默通通唔見哂,因為大家都想留

低最好既回憶~

只係掛住講,其實佢都o係到忍住忍住,只係睇下邊個最先喊出黎~

[做咩呀?]小玲唔知幾時依住我喊出黎~

佢唔再扮,更加冇能耐去撐~而家既小玲就只有一個纖柔的軀體同埋兩行眼淚~岩岩講過,佢地都係忍住忍住,只係睇邊個

最先喊出黎,結果,佢地全部都喊喇~

[傻女~做咩呀,唔好咁啦~]我一邊行一邊印走小玲面上既眼淚~

[你真係唔會唔記得我?]

[緊係唔會~]呢個係真ga~

[你會ga....我係多餘ga~]

[點解你突然間變成咁ga?我講既係真心話,冇哄你呀~]

[真ge?]   [緊係真啦~]

時間一分一秒咁過,我攬擁住小玲好一陣,等佢完全平服,止住眼淚,先比佢到禁區~

[時候唔早喇,差唔多喇~自己小心!]

[我會ga~你要好好保重!]小玲攬住我,要攬實飧前最後一剎那既浪漫~

分開左,終於都要分開~

[我走喇,你地都要好好保重~]

[玲玲~]    [玲玲,保重呀~]

小玲終於離開左,我開始恨自己竟然放走心中所愛既人，恨自己連一句挽留的說話都冇講~

[.......玲玲.......]

深宵夜靜~我睜著眼,呆呆咁望住電腦發獃。

                                                 ※      ※     ※     ※     ※

異國的街道,陌生得有d講唔出既淒涼~離開了小炳,小玲心裡面有一dd莫名既悵惘~

[過左去就比佢過去啦!]小玲對自己咁說~

保留住美麗的回憶,將佢放在記憶的最深處~自己一個人,一定都可以過得好好的~