1997年7月...

小玲到左美國已經幾個月，她考入左LosAngeles的一間高中修讀音樂,雖然話就話已經慢慢習慣左自己一個人的生活,

但係,一有時間便就打電話比我傾計~始終o係陌生既地方係唔易識新朋友~

7月4日,星期五,我岩岩剛開始放暑假~晚上,正當我o係屋企睇緊明珠台既七月鉅片"虎膽龍威III"果陣,電話響起上黎~會

o係呢個時候打電話給我既,就只有Cat同小玲~

[喂~]

[你猜我是誰？]﹝普通話﹞小玲每次打電話比我都係咁樣~

[知道哦！妳是玲玲嘛！]﹝國語﹞

[怎麼每次你也知道的？]﹝國語﹞

[還有誰會說國語咧！]﹝國語﹞ 在我既朋友裡面只有小玲識得講國語,唔係普通話喎,係台灣既國語,因為小玲係台灣人嘛~

[咁又有d道理~]終於用番廣東話~

[咁緊係啦~唔通你我我都認得咩~]對住小玲,我平時無聊既生活都會變得有d生氣~

[哈哈~是咩?係呀,我暑假可以毅黎香港一個月~]

[真係ge?你亞爸亞媽唔係話唔可以ga咩?唔係話要妳習慣果邊(美國)既生活咩?]

[佢地見我o係度冇咩新朋友,所以咪比我返香港過暑假囉~而且順便睇睇間屋既情況~等遲d返黎再搵地產公司賣左它~]

[那妳幾時返黎?]

[呢邊既7月18日,應該係7月19日夜晚9點返到到香港,因為要o係東京轉機~]

[Let me see~7月19日.....呀~~7月19日我岩岩好要去東京呀~]

[下?因咩事要去東京呀？]

小玲好似有d失望,因為雖然可以返香港,但我就咁岩離開~

[因為收到日本既邀請,出席東京•秋葉原既"Internet Show in Akihabara 1997"~]

[哦~咁幾時返香港呀？我唔係見唔到到你呀？]

[係喎~我同妳都是19號到東京, 妳可以同我一齊去秋葉原,咁咪得囉?]

我個樣好似"靈機一觸"咁~就好似是頭上面突然間出現左一個燈泡既樣~

[係喎~我去問下武爸可唔可以比我o係東京買d野咁咪得囉！]

[係~你去問啦~]我成個好得意既樣子~

一向都係一個人o係香港生活既小玲,o係父母心目中係好識自立,好識照顧自己,所以就好放心比佢去日本,何況日本是

全世界治安最好既國家~

於是我地兩個就約定7月19日下午2時o係東京成田機場東翼出口既旅客服務中心等~