我同小玲坐JR線電車到東京市中心區~一路上,我地都有講有笑,之前o係機場既沉默同陌生通通都冇哂,雖然冇任何身體

上既接觸,但雙方既感覺係甜蜜,親切既~

[我仲係唔係佢女朋友呢？]呢個問題不停咁o係小玲腦海裡面浮現~

但小玲從來冇諗過過我會比d咩佢,只要可以同我一齊就已經足夠,係唔係我既女朋友都冇咩關係~

突然間我留意到小玲好似有d睡意咁~

[做咩呀,係咪唔習慣時差呢？]

[有d啦~但今晚先訓,而家只係有d餓je~]

我望望手上既錶~

[唔怪得我都係啦,原來已經三點幾喇~]

[係呀,不如而家先去食d野先,好冇呀?]

[都好！就o係新橋(註１)附近食d野好冇呀?反正都要o係新橋轉車~]

[好呀！]﹝國語﹞

我同小玲o係新橋(馬尺)(註２)附近既小食店食中華拉麵~我到狙日本先發覺,原來自己學既日文係咁膚淺,o係日本我差

唔多聽唔到d日本人o係度講d咩~結果,我同小玲就好似其他既遊客一樣,o係拉麵店裡面東指西指,個個都知道我地兩個

係遊客~始終我同小玲都有dd日語既根底,同d日本人溝通方面當然比其他完全唔識日語既旅客好好多！我地兩個叫左中

華拉麵同一客魚生,當然,仲有最地道既日本煎茶~

我用有限既日語同一d英語點菜,小玲就目不轉睛咁望住我~

[喂！]我叫左一聲,將小玲既靈魂call左返黎~

[唏！咩事呀？你想嚇死我咩?]

[應該係我問妳咩事,做咩望住我呀,咁怪既你~]

[哦！冇咩野！]小玲低住頭,成個冇黎神氣既樣子~

[真係冇咩事？你好似...... ]我話未講完,侍應已將我地既拉麵送到我地面前~

侍應:[A，SuMiMaSen~](日文)     ﹝ 呀！打擾了~﹞

我:[IIE](日文)     ﹝不是哩！﹞

侍應:[DouZo~](日文)     ﹝請慢用~﹞

我:[ITaDaKiMaSu~](日文)     ﹝我不客氣了~﹞

小玲:[DeMo，ITaDaKiMaSuNe~](日文 )     ﹝我也不客氣哩~﹞

食下食下,我地o係度傾呢幾日o係東京去邊度好,我當然要去秋葉原,因為我係被邀請黎ge;小玲係女仔,當然嚷住要去銀

座行街,買衫,買化妝品.....結果係.....冇結論既~

食完lunch之後,我地冇o係新橋行街,而係立即搭新交通YuRiKaMoMe(東京臨海新交通)到酒店,因為拎住行李四圍去實

在好唔方便~

所謂東京臨海新交通係一種無人駕駛既火車,來往東京既新橋同臨海副都心~臨海副都心係一個人工島,呢個島既主要功

能係用黎舉辦商業展覽~呢度有好多個大型展覽場所,商場,酒店,係一個夢寐以求既未來都市,全島既感覺係結合左大自

然同先進科技~副都心,就是副首都既意思,所以臨海係日本政府重點開發既新區域,帶領東京成為最現代化既未來都市~

我同小玲所入住既東京日航酒店就o係呢個島上面,面對連接臨海副都心同東京既虹之橋(Rainbow Bridge),環境非常之

優美~

我同小玲o係新橋上車,唔洗15分鐘就到左台場(馬尺)~

[黎,我幫妳~]我拎過小玲既行李~

[唔好意思呀,好近咋！]    [唔緊要啦,妳都好累喇！]

真係好近，酒店就o係火車站隔離~

到左酒店,我去辦理一切Check-in既手續,小玲就坐o係酒店大堂既沙發上面,靜靜咁等住我~

[可以喇,間房係725~]我拎住行李,帶住小玲行去電梯~

[做咩要自己拎行李既？]小玲奇怪咁問~

[o係日本酒店既Bell-Boy係唔幫客人拎行李ga,一直以來都係咁ge,所以要自己拎~]

[SouDeSuNe,WaKaRiMaSiDa~](日文)     ﹝原來如此,我明白了~﹞

[o係日本一定要講日文ga？哈哈哈......]

哈哈哈~~~

一入房~就見到眼前窗外既虹之橋,o係黃昏既柔和陽光之下,顯得分外漂亮~

[嘩！好靚呀！]小玲即刻走到窗前~

[係呀！]我放好行李之後都走到窗前~

呢一刻,房裡面只有我地兩個,冇人騷擾到我地,靜靜咁等待日落~




(註１)新橋－地方名。
(註２)(馬尺)－日文中火車站既意思。