八月二日之後,我辭哂手頭上所以既工作,全心全意同詩詩拍拖~我地差唔多日日都一齊,一齊玩,一齊溫書,當然啦,玲玲,YoYo,Cat同翠翠都有一齊ge~我反而少左同以前果班豬朋狗友一齊,所以我都慢慢變得點樣關心人~或者因為成日同詩詩一齊溫書,學業成績開始有d改善,亦都因為咁而變得成熟~

有一日,我好似平時咁,一邊食煙,一邊等詩詩行街~

[對唔住呀,我遲到左!]呢d都係所有女仔遲到既開場白,好正常.

[唔洗對唔住喎~]我即刻將d煙頭整走.

[唔洗收埋喇,我知道你食煙ga,食少d啦,身體唔好ga~]

雖然詩詩冇叫我戒煙,但我為左佢唔洗食二手煙,所以我都係決定左戒煙~只係用左三日既時間,我就已經將呢d壞習慣戒左~

快樂不知時日過,暑假終於過左喇~最令我開心,難忘既暑假,亦都係我人生既轉捩點,由走左黑幫既邊緣走番出黎~一切改變都只係為左一個人,詩詩~

開學喇~好出奇咁~我竟然做左班長~而唔再係開燈熄燈果個楊伯二1係班長~中三,中四既我,操行一d都唔理想,一個暑假就令到班主任另眼相看~另一方面,詩詩,玲玲,YoYo,Cat同埋翠翠都開始左中四既校園生活~可能因為中四教既都係會考課程,所以d功課都特別多,每日d功課多到喘唔到氣~佢地每日都有同我一齊溫書,一齊做功課,當然,我同詩詩仲要拍拖ga~直到十一月初既星期五,詩詩佢地上緊PE堂.....

佢地打緊排球,詩詩唔小心跌左落地下,仲流血tim~

[Miss,施詩流血呀!]某某同學大叫~

[唔洗緊張,小心d,帶佢去醫療室止血啦~]翠翠同詩詩同班,當然係由佢陪詩詩去醫療室~

[哇~好痛呀~~]

[點解咁ga?點會止唔到血ge?]翠翠即刻通知老師,而老師亦都即刻call白車~

到左醫院,終於成功止左血,但醫生話有問題,一定要留院觀察同埋驗血~翠翠佢地放左學之後即刻趕到醫院~

[洗唔洗通知Derrick黎呀?]玲玲好擔心咁問.

[唔得~唔好比佢知道我出左事~佢最近成績唔錯,我唔想佢因為擔心私而分心~]

[知道喇~但點樣同佢講呀?]

[話佢知我地自己溫書得喇,我聽晚會打比佢~]

玲玲依詩詩既意思同我講~

[.........就係咁樣,詩詩佢仲話聽晚會打電話比你~]

[咁好啦~你地如果有d咩問題可以隨時打比我~]

[好~bibi~]

玲玲,YoYo,Cat同翠翠一直都陪住詩詩,直到夜晚~

[我地聽朝再黎過啦,你好好休息下先~]

[我會架喇~Bye~]

星期六朝早,玲玲佢地黎到醫院,醫生正o係到同緊詩詩亞爸亞媽講緊詩詩既病情,詩詩亞媽非常激動~

[叔叔,做咩事呀,詩詩佢點呀?]玲玲即刻上前問詩詩亞爸

[詩詩佢.....]

[做咩姐??佢點呀??]

[佢患左末期血癌!]

第五集完