[詩詩,我對你係真心ga,你知道ga~有句說話我一直都冇你講,只係放o係心裡面,當每次想講既時候,始終都開唔到口.....][我係認真ga,詩詩,我愛你....]

[Derrick!]詩詩感動喇,毫不猶豫將戒指帶o係我手上面喊起上黎~[我愛你!唔好離開我,唔好.....]

[我點捨得離開你喎~傻豬~我會一世都同你一齊~永遠都唔會離開你~]我用好情深既眼神望住詩詩~(果一刻我諗我既眼神仲型過劉德華~@@)

[真係ge?係咪真ga?]詩詩把聲好弱....

[係真ga~我唔係哄你~傻豬~]我用手細細力咁撥開佢臉上既髮絲,深深的同詩詩擁吻....我輕輕地將詩詩拉近,讓自己既胸膛承住佢個頭~詩詩不住咁喊,佢背脊抽搐得好勁,就好似一個受傷左既心o係到跳動~我忍唔住將佢抱緊,好似要捉緊呢一份好特別既感覺~

[詩詩~其實你鍾意我d咩?]

[唔好問!若果我搵到鍾意你既理由,咁我地就會因為咁而分手~]

[你呢句真係好成熟~]

我同佢一直抱住,詩詩佢唔再理前面發生咩事,亦都唔在乎時間一點一滴咁溜走,只希望陶醉於呢一刻既幸福同快樂;我雖然仲未知道詩玄出左事,但係我個心已經交哂比詩詩,可以同詩詩一齊,我已經心滿意足~

玲玲,翠翠,YoYo同埋Cat o係隔離睇住,都比我地兩個感動~

呢一晚,我地o係 頂餐廳食dinner~好似平時咁,大家有講有笑~

[你地食完飯之後諗住去邊呀?]玲玲問

[不如圍住山頂行一個圈,好冇?]

[你同詩詩去啦,我地去商場shopping~]

[做咩一齊去呀?你唔鍾意?]我睇得出玲玲你專登咁講,但我都係要問下佢~

[唔係~我地跟住一齊唔係咁方便嘛~]

[點會喎~一直以來我地都係一齊ga嘛~點會唔方便喎~]詩詩真係好單純~

[呃~我地今日唔做電燈膽呀~你地行啦~]

我為免玲玲會改變主意,就即刻作左個決定~

[咁我同詩詩一齊,你地shopping啦,九點半o係番呢度等~]

就係咁,我同詩詩開始o係山頂漫步~一路上,我地講呢樣講果樣,仲一邊行一邊唱歌tim~突然間有個女仔行過黎~

[先生,買支花送比你女朋友啦~]哦~原來係賣花ge~

我一次過買左十二支紅玫瑰送比詩詩~雖然貴左dd,但我唔介意~

[送比你ga~]

[做咩咁哂錢喎~]詩詩開心到不得了,成塊面紅哂tim~

[咁你話我知你開唔開心丫~]

[緊係開心啦~]

[咁咪係囉~只要你開心既話~咩都唔緊要ga~]

[Derrick!我~~多謝你呀~]詩詩"埃"o係我身旁,偷偷咁望住我,又望望呢一個咁靚既夜空~仰望星空,詩詩突然覺得明淨開朗左~愛情,就好似繁星一樣,有唔同既面貌~但係,我同詩詩卻係一粒轉眼即逝既流星.....

九點半,我地兩個手拖手返到老襯亭同玲玲佢地會合~

[我送你地返屋企先好唔好?]

[唔洗喇~我地都去詩詩屋企~]

[你地都去詩詩屋企?咁我可以慳d工夫喎~哈哈~]

於是,我就送佢地去詩詩屋企~

第八集完