真正男版twins --FLAME兄弟人氣急升

FLAME近日人氣急升 , 1月17日推出o既第二張single<> , 銷量已經突破7萬張,最高更登上 oricon 細碟榜第 6 位 , 成績可以話唔錯 ! 以初出道黎講,同當時得令既 w-inds比較,絕對唔輸蝕 ! 老實講 , FLAME 比起w-inds更有賣點,因為隊中有男版 twins---伊崎右典.伊崎央登.呢雙男版 twins絕對非傳媒生安白造,因為佢地係如假包換既孖生兄弟 !

靠靚仔出位

FLAME能夠咁成功,除左因為音樂易入耳外,4位成員既靚仔外貌亦係一個主因.佢地4個係2000年日本雜誌<>舉辨既[第13回 junon super boy大賽]選出既[美少年],分別係金子恭平,北村悠同埋伊崎右典,伊崎央登呢 pair男版 twins.伊崎兄弟更加成為傳媒爭相採訪既對象,好多fans都對佢地兩兄弟既生活好好奇,想知呢對[孖仔]係唔係好到[孖心肝].

細孖鍾意著大孖底褲

另外,右典亦爆左央登一個[秘密]俾傳媒知 , 原來央登好鍾意[求其]羅右典既底褲黎著,因為 FLAME 四子唔係響東京出生 , 所以公司安排左一個宿舍俾佢地住 , 由於 4 人住既關係,央登好鍾意 [順手] 羅右典既底褲黎著,右典[警告]佢要改好呢個壞習慣 , 而央登既答案係 : [今日我無著你既底褲,只係悠既!]真係俾佢[吹脹]!