Flame 自爆最愛是誰

FLAME四子係萬人迷，當然好多fans都恨做佢地既另一半啦！咁不如由佢地講下最愛邊類型既女仔，話唔定你都係佢地搵左好耐既夢中情人．

金子恭平－－－了解「金」所有
我係一個較柔和既人，如果我既另一半能夠係我做錯野既時候發下惡都唔錯．平常遇到頂唔順既事，我會難以啟齒，但如果個女仔醒目察覺到既話，咁就Perfect 喇！能夠咁樣支持我既話，呢個人唔單止係朋友，仲係一個我好尊重既戀人．我會係個?慢慢發覺對方既好，日久生情既人．如果大家能夠有相同既想法，夢想咁就更好添！至於外表，長得比我高當然唔係太好，不過我仲會繼續高，所以暫時都唔太介意．其實拍拖我最想安心者．

北村悠－－－女友有主見
女友最好有主見，你知啦！如果同佢去街食飯，佢只會答：「邊度都好啦，你決定啦！」我必定會企係度，事關我都係優柔寡斷既人．仲有就係佢要主動啦！因為我係一個少說話既人，如果對方主動同我交談我會好開心架！不過咁樣唔代表我經常依賴對方，有時我都好積極既．以前曾經講過喜歡年紀大過我既人，但事實上我唔係特別喜歡，即使係同年紀只要感覺較成熟我都會鍾意．以前我鍾意可愛既，運動型既女仔，不過而家改變左口味，較喜歡成熟又靚既女仔．

伊崎右典－－－大男友主義
基本上我唔會有特定必定會鍾意既類型，我亦唔鍾意對方左右到我既行動，好似對方提議去行街買野，同時間又有男性朋友搵我去行街，而我認為後者較吸引我既話，我會選同朋友出去囉，當然，間唔中我都會陪女友做佢鍾意既事．不過以往每次被飛既總係我，個一剎那總會好失落咁諗究竟自己有?乜野唔好呢．雖然係咁，但我係好積極既人，唔會退縮，就算戀愛失敗，我仍會屢敗屢戰，如果唔係，我就會輸比央登，無論咩事我都唔想輸比佢呀！

伊崎央登－－－總有妳鼓勵
同女仔相處既關係最好就係可以亙相治療，我希望佢係我心靈部份既好拍檔，當對方情緒低落時會亙相係身邊支持．最好就當然係開始時大家有Feel啦！因此當佢發現到我有缺點，我希望佢會老實話我知，如果我自己都認同佢既說話，我當然會改．不過如果佢係指摘我既做人宗旨同尊嚴，我必定好嬲，因為我好希望佢能夠包容我既個性．我都幾多野講，若然佢唔係咁多野講都冇所謂，反而仲襯啦！