~真里房~

加奈：「真里，今日我陪friends參加聯誼，真係悶死人喇！大概呢種場合唔適合我吧！我係度諗，果時如果妳可以係我身邊，妳話幾好呀！妳可以陪我傾計，等我唔洗咁悶啊！好快就到我既生日，妳會送咩比我呀？」

(加奈望住電腦，講緊今日橘慶太寄比真里既e-mail，真里好開心咁坐係張床度聽)

真里：「嗯，究竟送d咩好呢？好難諗呀！不如寄張生日咭比佢好唔好呀？」

加奈：「唔…生日咭嘛…唔錯啊！我記得佢有寄過地址比你。」

(加奈正查看 e-mail記錄)

「啊！搵到喇！」

真里：「搵到拿？妳幫我去附近買張生日咭並代我寫祝佢生日快樂好唔好？」

加奈：「但生日咭唔係自己寫好d架咩？」

真里(指住自己隻眼)：「我咁樣點寫呀！」

加奈：「哈~咁又係！」

真里：「咁唔該晒妳喇！」

加奈：「包係我身上，我一陣都要出去，順便幫妳買，妳放心得喇！」

~第二日~

加奈：「真里，今日收到妳既生日咭，好靚啊！非常多謝妳！11月18號係我既生日，妳可唔可以出黎同我慶祝呀？我好想同你見面啊！11月18號下晝5點代代木公園等。」

(加奈又對住部電腦讀慶太既e-mail)

真里：「見個面……」(

真里悶悶不樂，好明顯好介意自己雙眼)

加奈：「去吧！唔洗介意自己雙眼，勇敢面對自己。」

真里：「我唔知，我好驚啊！」

(真里真係好驚，佢驚慶太見到佢雙眼之後會嫌棄佢，唔好話鐘意，連做friend都唔制。佢摸住自己雙眼，不禁諗起七年前佢變成瞎子既經過……)

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

作者的話：呢個係我第一個作既小說，如果作得唔好既話請多多包涵呢！！我想收集讀者們既感想，同你地想個結局係點…… 你地有咩意見既話，就e-mail比我啦！！ Gmakoto0350@sinagirl.com 究竟係七年前發生左d咩事呢？點解真里會盲？？

下回即將揭曉~~