~七年前

-某游泳池~

(小時候) 加奈：「真里，我同妳比賽，睇下邊個敢係果個既地方跳落黎。」

(小時候) 真里：「嗯，好呀！」

(誰知道，真里一跳落水，雙眼感到痛楚，慢慢泳池既水變成一個紅缸)

~醫院~

(加奈根本冇諗過有咁既後果，佢冇料到會有呢種事情發生，佢而家可以做既就只有坐係一角喊住咁等醫生叔叔既消息。真里係病房醒返，佢只知道周圍漆黑一片、冇晒色彩，佢好清楚知道佢已經係一名瞎子，病房傳出一陣喊聲，真里細心聽住)

醫生：「你地呢d大人，點解唔好好咁睇住d細路比佢地亂黎，果個細路雙眼既微絲血管比水沖破，導致視網膜脫落。」

真里爸：「有咩辦法醫生？無論要幾多錢都要醫好真里雙眼。」

醫生：「唔係錢既問題，而係…唔知幾時排到期做手術，對唔住！」

真里媽：「醫生，求求你救真里。」(

醫生都無能為力，見到d家人慘不忍睹。真里媽走去加奈身邊)

「都係因為佢，如果妳唔帶真里去游泳池，根本就唔會發生呢種事，點解不幸既係真里，妳還番雙眼比真里呀……」

~現在---真里房~

加奈：「你驚咩？難得佢約妳出去，比自己一d信心啦！如果佢嫌棄妳，佢就唔值得你鐘意佢啦！」

真里：「我冇話我鐘意呀！妳唔係我，我7年黎所承受睇唔到野既痛苦，妳點會明？妳可以幫到我咩？可以還番我既雙眼比我咩？」

(真里知道呢句話講得太嚴重，可能傷到加奈，大家沉默左一陣之後………)

真里：「對唔住，我想自己一個人靜靜地諗諗。」

加奈：「唔…唔阻妳喇！」

(「砰」一聲真里既房門關上。只留低加奈落寞咁係真里房外面………過左幾日，真里同加奈一句野都冇講過，真里媽咪一加見到呢個情況，就覺得有d野，就佢地打圓場)

~12月16號---8:00am~

一加：「呀！你地兩個好耐冇陪我去超市買野喇，一陣一齊去啦！」

加奈：「一加阿姨，一陣我要溫書，好快到期考喇。」

真里：「我都唔想出去，我想留係屋企。」

(佢地講完之後就各自返自己間房。事實上真里同加奈都冇嬲對方，只係唔知點傾計，真里多年黎冇為雙眼既事而怪責加奈，佢相信一切神自有安排，但係而家佢最煩既係今日究竟去唔去見慶太，佢考慮左成個朝早，於是………)