~12月16號 4:30p.m.~

(叩…叩…叩… 真里敲加奈房門，加奈打開房門)

真里：「可…可唔可以帶我去見一見慶太呀？」

~12月16號 5:00p.m -代代木公園~

真里：「加奈，妳見唔見到佢呀？」

加奈：「嗯！見到啊！佢手上拎住妳送比佢張生日咭。」(真里心入面有種安慰
既感覺)

真里：「加奈，可唔可以形容佢個樣比我聽呀？」

加奈：「佢都算幾高，頭髮既長度到耳仔兩邊，一副女仔樣…」

真里：「走吧！」

加奈：「咁快？妳唔係要出去見佢咩？」

真里：「唔…唔洗喇，我心入面已經見到佢喇。」

加奈：「妳果然放唔低雙眼既事。」

真里：「唔係！我只係覺得而家仲未係時候去見佢，第日一定有機會。」

加奈：「隨妳鐘意吧！我地走喇！」

~12月16號 10:00p.m -真里房~

加奈：「今日見唔到妳黎，真係好失望，我係度諗妳係咪出左d咩意外，妳係咪
討厭我？又或者唔記得約左見面既事？如果有咩事，請快d回覆我。」
(加奈好似平時咁讀慶太既e-mail比真里聽)

加奈：「咁樣好唔好呀？佢好擔心呀！」

真里(搖一搖頭微笑) ：「冇所謂！妳幫我覆佢，我並冇意外，亦都唔係討厭佢，
都冇忘記約會既事，只係臨時有事去唔到，幫我講聲對
唔住啊！」

加奈：「好！好！好！我一定幫妳。哈~佢讀咩學校架？果間學校d男仔係唔係全
部都咁靚架？」
真里：「我點知道？佢好似讀堀越高中架！」(呢個時候真里房出面，真里媽咪
一加聽到真里同加奈講既一切……一加係第二日等加奈返左學同真里係
房休息既時候出去……)

~堀越高中~

(一加去堀越高中搵呢間學校既校長)

校長：「太太，妳係度等一陣！」

某老師：「校長，橘慶太帶左黎喇。」

校長：「唔該晒你喇，太太，我出去一陣，你地係呢度傾啦。」

一加：「唔該晒。」(校長室入面氣氛沉靜，慶太唔知呢個女人係邊個，心入面
好緊張) 「我叫知念一加，係知念真里既媽咪。」

慶太：「妳好，請多多指教！」

一加：「我就開門見山講，我今日黎既目的係希望你停止同真里交往，咁樣對大 家都有好處，我唔想佢成為人地既包袱，希望你明白作為母親既苦處。」

(一加講完之後，就離開校長室，而慶太就唔知發生左咩事，只係呆左咁 企係度。另一方面，真里仲唔知發生咩事，一邊聽歌、一邊諗住慶太…)

(慶太雖然唔知點解真里媽咪會對佢講呢番說話，佢決定跟住生日咭上既地址去真 里屋企，了解清楚成件事既來龍去脈……)

~真里屋企門口~

慶太：「係呢度嘛！入去啦！」

~真里屋企入面~

「叮~噹~」(

真里屋企淨係得真里一個，其餘既人都出左出。

真里對住對講機：

真里：「請問你搵邊個？」

慶太：「我叫橘慶太，請問知念真里係唔係屋企呀？我係佢既朋友啊！」

(真里聽到「橘慶太」呢三個字，心入面嚇左一跳)

真里：「請入黎啦！」

慶太：「唔該晒你喇！」

(真里打開左大門，慶太入左真里既屋企，屋入面既擺設 傢俬，擺得好整齊，比人一種好清新既感覺)

真里：「啊！我唔記得左沖茶比你，唔好意思。」

慶太：「唔洗啦。」

真里：「要既，你係客人呀嘛，等我一陣啦。」

(真里摸索路並拎住熱滾滾既茶， 放係慶太前面既茶几上，呢個時候慶太發現原來係佢面前既女仔係盲架)

慶太：「恕我多咀，妳係唔係盲架？」

真里：「嗯！你介意呀？」

慶太：「唔係，我點會介意呢！我倒好佩服妳，妳可以好似平常人咁招呼我。」

真里：「唔係！只係習慣左姐。」

慶太：「真里係邊？佢係咪唔係屋企呀？」

(真里個心突然好痛，佢好希望慶太 知道係佢面前既女仔就係知念真里，但係真里並冇咁做…)

真里：「佢…佢唔係屋企，我諗佢返緊黎架喇。」

慶太：「我可唔可以係度等佢呀？」

真里：「嗯！可以。」

(呢個時候加奈放學返到屋企)

加奈：「我返黎喇！」

真里：「真里，妳返黎喇！慶太係度等左好耐喇。」

(加奈覺得好怪，點解真里 會叫佢做真里，點解慶太會係度等佢？但佢入左客廳見到橘慶太係度 ……)

慶太：「我係橘慶太呀！記唔記得我呀？」

(加奈知道真里既鬼計，只好協助佢)

加奈：「係！我係知念真里呀！你黎搵我呀！」

(真里知道加奈肯扮自己同慶太 傾計，總算安落晒，佢聽住慶太同加奈既對話，佢就知道慶太係一個好 好既男仔，心入面諗若果自己可以咁同慶太傾計，會有幾好啊！)

慶太：「真里，可唔可以比妳屋企電話我呀？我下次約妳出去玩好唔好？」

加奈：「好啊！下次一齊去吧！」

慶太：「咁我走喇，下次再見吧！」

(突然慶太對住真里講…)

「岩岩同妳一齊傾計，都唔知妳叫咩名。」

真里：「我…我叫淺野加奈，係真里既表妹。」

(真里覺得唔好意思用左佢個名、 同 佢調換左身份)

慶太：「咁再見喇！」(

真里、加奈同慶太道別之後，等慶太走左之後…)

加奈：「真里！！」

真里：「嘻嘻~唔好意思啊！」

加奈：「唔係對我唔好意思，而係對慶太唔好意思啊！妳呃既係佢，咁樣好咩？ 唔通妳要我幫妳同佢約會呀？睇佢會唔會介意妳既雙眼？」

(真里聽到之後只後笑左一笑，冇錯，佢真係想加奈幫佢去約會。自從果次之後 慶太就成日去搵加奈，佢真係以為加奈就係以前同佢互寄e-mail既真里，佢成日 約加奈出去，去左好多地方，好多都係加奈未去過既地方。加奈又過份投入角色， 佢知道自己唔係真里，但佢比慶太吸引住，佢好希望永遠飾演真里呢個角色…)

(今日慶太帶左佢去吉野家食果度最出名既牛肉飯)

~吉野家入面~

慶太：「啊~其實我係同妳見面之前，我見過妳媽咪，妳媽咪叫我停止同妳來往， 講咩咁樣對大家都有好處。」

加奈：「真係？我諗佢應該係唔想我太早拍拖！唔洗理佢。」

慶太：「咁我唔理佢喇~同我拍拖好唔好呀？」

(加奈知自己大禍臨頭，佢知道咁樣做會好對唔住真里，但佢望住認真既慶太， 真係唔忍心拒絕，點算好呢？) ＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊ 究竟加奈會點做呢？而真里既感情又該何去何從呢~？ 想知就留意下一回啦~