泰國遊(2)之酒店重逢

我地入住既酒店park hotel係響網上訂既.  我到達酒店之後, 就向櫃台出示agent via email比我地既訂房confirmation, 負責果位職員好似未見過果份confirmation咁, 不過都比左間房我.  我同佢講話我個fd會遲少少到, 到時請佢將個room number講比我個fd知.

我響間房等左兩個幾鐘都未見我個fd, 個mobile又無電, 搞到佢搵我唔到, 我就諗住落reception度問, 再無消息就唯有打佢個電話搵佢啦.  於是我走出房, 去到lift口度等lift, 一面等一面諗緊究竟我個fd搞乜.  Lift口附近燈光昏暗, 四下無人, 靜到針趺落地都聽到, 週圍鬼影都無隻, 架lift又等極都唔黎……..

突然之間, 我竟然聽到身後面有把好幽怨既聲叫我個名!!!  果一下真係嚇到個心都幾乎跳左出黎!!!!  我即刻拎轉頭, 見到我個fd就企左響度!!!  我第一句就話佢: “嚇死人咩!”, 第二句先問佢點解響果度.  原來佢都算幾順利咁搵到間酒店, 去到reception度話比個職員聽我應該已經到左, 但係果職員搵左兩次都搵唔到我個登記, 就以為我未到, 於是又比左另一間房我個fd.  我個fd等左一陣, 又係諗住落去lobby睇下, 於是我地就響lift口相遇了!

我地第一件事諗到既, 就係一於一人霸一間房啦!  不過費事之後比佢check到, 要收我地兩間房錢, 所以就落去reception度話佢知.  果度既職員真係見慣大場面, 對於比多左間房人呢d小事完全不屑一顧, 收番條鎖匙就好似無事發生咁, 態度鎮定從容, 頗有大將之風.  J

其實我地對間酒店都無乜要求, 我地之前無聽過呢間park hotel, 淨係想搵間近bts站既平野, 乾淨企理就算.  呢間hotel亦不負所望, 果然頗為殘舊, 不過行出街口就係bts nana站, 一晚30美金有找, 仲想點?

如是者, 個trip第一晚就響倒瀉籮蟹, 裙拉褲甩, 有驚無險之中度過.