泰國遊(3)之增肥篇
去bangkok既其中一個主要節目係搵食. 第2日去開siam square果頭, 就攞住本guide book搵朋友推薦既一間餐廳siam erawan. 搵左一輪都搵唔到, 卒之走左去問人, 先知間餐廳原來已經關門大吉 @@, 於是改去附近既ban khun mae, 都係泰菜, 幾好食, 價錢又平. 不過我同我個fd都唔係幾食得辣, 碟沙律辣到噴火, 食左少少就要放棄. 推介係椰汁雞湯同甜品拼盤, 咖哩都唔錯, 埋單100大元 (港幣, 下同). 出到門口, 見到又有香港人好似我地咁, 攞住同一本guide搵上門. J
夜晚果餐又係靠本guide搵食, 點知比佢個map呃左, 問酒店門口既職員, 先知原來我地想搵果間餐廳響好鬼遠. 佢見我地搵法國菜, 於是就推介我地去酒店後面果間法國餐廳, 話好食又唔貴喎. 由於果陣已經幾夜, 我地費事再騰來騰去, 所以就決定搏一搏.
間餐廳叫ces’t bon, 響le meridien president後面. 去到門口見到有d剪報, 原來香港都有雜誌介紹過呢間野. 入到去見到全場都係香港人, 我地當堂有少少後悔, 不過既來之則安之啦. 好彩唧, 事關d野食原來好好味!
我地order左set dinner, 共九道菜, 不過每樣份量都比較細. 菜單包括: 半生熟吞拿魚, 鵝肝沙律, 湯, 白酒煮青口&蜆, 雪葩, 意粉, 主菜 (魚or羊架), 甜品, coffee or tea. 整體都好好, 特別係個鵝肝, 煎得岩岩好, 外脆內嫩, 甘香幼滑, yummy! 兩款主菜都整得好睇又好食, 甜品係暖朱古力蛋糕, 我對chocolate麻麻地都覺得唔錯, 我個fd就嫌甜左少少. 我最欣賞就係佢個”餐茶”都唔交行貨, 個茶唔係普通紅茶, 係茉莉花茶, 為個dinner劃上美滿既句號. 埋單約$450, 我估係香港既一半價錢.
第三日中午, 去左人人都話要去既shintaro, 即係regent入面間日本菜. 原來佢有set lunch, 於是我地叫左sashimi set & sushi set各一, 食完都食唔落其他野, 真係呻笨, 事關佢出名果d乜roll物roll我地都試唔到 >.<. 但係$160兩個人響間五星級酒店食餐日本菜, 其實都唔應該呻. J
當晚去左酒店果頭食意菜, 間餐廳叫pomodoro, bts nana站附近, 無人介紹, 純粹亂撞. 我地order左番茄湯, 海鮮意粉, grilled chicken breast, tiramisu & crème brulee, 又係樣樣都令人幾滿意, 尤其是個雞, 唔知點解咁勇點左呢個菜, 好彩整出黎都唔0鞋, 仲算幾juicy, 配菜又好味. 兩個甜品份量好大, 飽到上心口. 呢餐承惠$270.