| 傷 心 分 離 既 七 月 | ||||||
| Sun | Mon | Tue | Wed | Thu | Fri | Sat |
1 |
2 |
3 |
4 |
5 |
6 |
|
| 7 |
8 |
9 |
10 |
11 | 12 | 13 |
| 14 | 15 | 16 | 17 | 18 | 19 | 20 |
|
21 |
22 | 23 |
24 |
25 |
26 |
27 |
| 28 | 29 | 30 | 31 | |||
1
. 7 . 02 Monday +...煙花好靚...+
今日2點出左旺角買衫 , 之後又要急急腳返歸 ,
因為要同媽咪佢地睇煙花 , d時間幾緊密呀 ....
之後出左土瓜灣搵爸爸 , 之後食埋夜晚就出尖沙咀啦
哇 ~ 不知幾多人 , 真係放果陣真係好靚 , 仲比佢嚇左嚇
d煙花聲好大 , 但好靚 .. 真係好靚 .. 呢當d煙花爆得最燦爛果刻
又好快跌返落黎 ... 真係落得好快 ... 真係留都落唔到 ..
捉都捉唔住 ... 之後睇完過去搵呀仔佢地 ...
之後行左幾行就返歸 ... 可以話幾tired a !
。*﹢長路若太短 花火生命更短 雙手可觸及你 有眼淚仍是暖。*﹢
只想同你看著同一既煙花 , 有著同一既寄望 ...
一齊臉上露出同一既笑容 ...
2
. 7 . 02 Tuesday +...睇魔術...+
今日去左Hall度睇魔術 , 都幾搞野 , 有好多笑料爆出 ...
放學之後 , 同呀仔去左食野 , 今日呀仔去左打波 ,
可惜 , 輸左 , 但唔打緊啦 ...
4
. 7 . 02 Thursday +...sOrRy...+
今日返學果陣 , 健問呀仔問我打唔打排球 , 之後我話我冇帶衫
之後 , 佢話排球可能唔夠人 ... 之後 , Miss問我 ... 唉 ...
之後仁愛社唯有棄權 ... sorry 呀 ~ 之後呀仔話如果我有帶衫
健會過黎幫手打 , 哇 , 勁後悔呀 ~之後都唔係太開心 ... sorry a ...
之後放學同呀仔一齊行 , 之後呀仔去左扒王之王 ,
之後健果d行我後面 , 之後見到細孖果d就一齊行
之後 , 肥佬叫我同佢地一齊去食椰林閣 , 之後我話唔啦
之後同細孖佢地行去M記 , 之後我就走啦
5
. 7 . 02 Friday +...唔開心...+
今日都幾唔開心 , 今日放學送左呀仔去韓國燒烤就返歸
今日去左游水 , 可能因為今日同呀仔鬧架 , so今日游水
大家都無乜玩 , 之後我地游完水 , 去錦明食野
又撞到佢地 , 之後返到歸同呀他講講講 ...
。*﹢sorry 呀 ~ 呀仔成日發埋你果d小姓脾四。*﹢
6 . 7 . 02
Saturday +...勁唔開心...+
今日同睡衣 , 波波去食壽司 , 食完之後我地就由深水步行到太子
之後by車返歸 , 之後返到屋企就覺覺豬 ...
但今日夜晚鬧大獲 , 勁唔開心 , 我自己驚到成個人震哂
我只係識攬住隻公仔 , 好驚好驚 ... 我真係好驚
我從來都冇咁驚過 , 我唔想搞成咁 ... 唔好再唔開心啦 ...
你地唔開心 , 我都一樣 , 我唔想大家搞成咁 ...
我唔想 ... 真係唔想
。*﹢無論是為什麼都好 首先最錯我的態度 。*﹢
懊悔昨日那麼嘈 然後在霎時之間想起我父母
8
. 7 . 02 Monday +...仲有兩日...+
今日首先英文卡啦OK , 之後音樂比賽綵排 ,
英文卡啦OK果陣都幾過癮 , 比侯生 , 肥佬佢地勁叫我出去 ...
又叫又拉 ... 但都幾過癮 ...
之後音樂綵排都幾無聊 , 但見到佢都抵返 ~
我地果班上台唱果陣 , 得到好多掌聲 , 掂 !!!
希望我地音樂比賽拎到好成績 !!!
。*﹢誰在悼念 快速接近成年 誰告誡我 放心不要睡眠。*﹢
還未學習怎麼記念從前 便發覺要懂得擁抱明天 祝福都當諾言 以後不知會點
大個當然會善變 ...
9
. 7 . 02 Tuesday
+...音樂比賽必勝...+
今日音樂比賽我地3B班拎到成5個獎呀 !!! Yeah !!!
今日我地第三班上台唱 , 感覺 .. 好緊張 , 次次都係咁既 ...
之後我地都唱得唔錯 , 但我o係台上忍唔到笑 , 都幾搞野 !!!
之後宣報果陣 , 真係好鬼驚 , 真係好鬼驚拎唔到 ...
點之得左呀 !!! 3B is the best 呀 !!!
我地總算最後為3B得到呢個光榮 , 3B可能明天之後就散
但o係3B班既回憶係唔會散 ....
3B 既我地大家心目中係一班Is The Best 既一班 !!!
。*﹢無論日後路怎麼走 彼此老友角色似舊。*﹢
原來朋友比戀人更高分 亦讓我開始懂得不記恨
若大家 都敏感 我更要永遠記得拒絕再因小事怪人 為何沒有這條校訓
10
. 7 . 02 Wednesday
+... At the end of day ...+
今日係Last day , 今日首先結業禮 , 之後上課室派成績表 ...
今日我拎左兩個獎 , 三張certificate , 勁呢 !!!
之後小息 , 之後派成績表 ... 總算有進步 , 唉 ~ 今日之後 , 3B已經無啦 ... 勁唔捨得 ...
成班巴巴喳喳既女人營 , 你地呀 ~ 以後唔好咁巴巴喳喳啦 , 吱吱喳喳唔愛o家啦 ~
"嗎"大喉嚨講野既侯生 ~ 你呀 , 比多d心機去讀書啦 , 你實掂o家啦 ,
仲有呀 , 希望Form聽返你把死人聲呀 !!!
傻更更既葉蟲 ~ 呢個豆釘唔好再咁傻更更啦 , 唔好再成日比人蝦啦
〔雖然通常係我蝦你 , keke〕仲有呀 ! 唔好再成日掛住o訓o訓o訓啦 !
仲有唔好再咁細路仔啦 , Form 4 o家啦 ~ 知道無!!!
細孖米青 ~ 唉 , 唔經唔覺你做左我呀仔咁耐〔都好似唔係好耐〕
但點都好 , 你都好鍚我 , 真係當左我係你老母咁 , 多謝你呀
尤其你每次o係我最累咁陣幫我"按摩"果陣呀 , 真係成個人掂哂 ~
仲有成班死野 , 但不能一次講哂 ~ Sorry 呀 ~
唉 ~ 今日之後可能無得再見佢 , 雖然 ... 我唔知憑咩去唔捨得佢
但至少想大家可以做返朋友仔就好滿足 , 但自己始終唔敢去行出呢步 ..
Sorry 呀 ~ 但都年幾啦 , 大家已經忘記哂大家 , 點解連朋友仔都冇得做 ...
我呢次真係願意行出呢一步 , 但我唔想再hurt多次 ,
如果呢次衰埋 , 我唔會再同自己搵藉口 ... 我係一個好普通既人
唔係淨係傷我一個啦 ... 我真係想簡簡單單做返一個朋友 ...
。*﹢只知此刻很想來留住你 道出一句久未出現在口中的一句話。*﹢
只是想你看多我一眼 我便開心夠了 ... 留住你 是否再可恥 我再也不理 再也不理 ...
〔就為你再寫多首歌 ... 一首最多 ...〕
21
. 7 . 02 Sunday +...連踩兩場...+
今日一朝成9:30早同果個死人頭肥佬 , 沙展 , 侯生 , 睡衣 , 呀B 同 珍姐
去書展 , 果個侯生遲成半粒鐘 , KEKE...佢坐牛黎ga ~
但所謂既書展原來好悶o家 ~ 之後頂唔順就返左歸 ~
到左夜晚 , 我地又去swimming ~ 爽呀 !!!
24
. 7 . 02 Wednesday
+...終於有得唱k...+
今日同波波 , 睡衣 , 細孖和肥佬去唱k ~ 哇 ~ 恨左幾耐呀!!!
唱到喉嚨都沙呀 !!!唱完k之後就有兩個好老"四"既波波同睡衣
一齊去食~牛~腩~河~ 哇!!!! 正呀
我地食超正牛腩河既時候 , 竟然撞到兩個拍戲既明星 !
25
. 7 . 02 Thursday +...打波
+ 打band...+
今日一朝早又再次穿起戰衣去打波 ~ 哇 ! 型呢!!!
哇 ! 好耐冇掂過籃球啦 ! 之後同BeBe去食扒王之王 ~ 正呀 !
d 牛扒超正呀 !!! 之後我地就搵埋死仔彬去band房啦 !!
今日都幾好玩 , 同果個死仔彬玩都超搞野 !!
之後夜晚9點就撇啦 !!!
26
~ 27 . 02 + 無聊之作
+
"帶我去天上
... 帶我好運"
呢兩日都留左o係home , 因為冇$$用 ~ so要乖乖留o係home ...
唉~~等運到呀!!!天呀!!
但亦留o係home研究畫畫 , 可能我唔係畫畫既材料
畫左好多 , 但好唔掂當 ~ 唉 ...
幾時先掂o家 ~~~~~~~