Love Story
"If you have reasons for loving someone, then you are using your mind, but if you love someone for no reason, then you are using your heart."
'好感'或'鐘意'或'愛'
'我花心,並唔代表我濫'....呢一句說話,我記得o係我中四開始講.
個中意思點解?最大o既分別係....'濫'~就係來者不拒,豬扒都o岩,ha!
不過,呢o的都只不過係講o下笑....我對一個人o既感覺係可以好快有,亦代表好快就可以走.但並唔係代表我今日同o個個人一齊,聽日就同佢散,冇咁恐怖,放心.如果係咁o既話,就低一世冇女啦!
我好容易對一個女仔有'好感',但由好感到'鍾意'或者係'愛'....又係另外一回事.我會將以上三個層面分得好清楚....曾經有好感o既,我諗我已經數唔出有幾多個,甚至唔記得;曾經鐘意o既,我會記得;但係真係好'愛'o既....我諗....暫時冇....應該係話未出現.
成日聽到o的靚妹靚仔兩句唔埋,就話愛到要生要死....愛,真係可以去到咁濃烈?真係可以"you
die, I die"嘛?妳試諗o下,如果有一日妳個partner同妳講,妳會唔會為佢死的話,妳會點答?....比著係我,就一定唔會.因為我一向都覺得冇話邊個冇左邊個唔得.
Puppy
Love
我冇讀過女校,所以我唔知全女校o既生活會係點....打籃球o既TB係咪真係咁型,有女Fans、好容易溝到女....我真係唔知.('fully
mai dai'這是泰文)
學校裡面,冇其他TB....所以從來唔會有比較.有o既只係....某o的人o既猜測同岐視.但我身邊o既朋友好好,冇o的咁無聊o既諗法.
16、17歲o個年,表姐話帶我去開下眼界....原來係帶我落Les Bar.第一次都幾驚,未落過,o個時又未夠18,驚死會比傞佬查牌捉咁,諗返都覺得低能.最記得第一之落去,先約埋表姐o的朋友o係銅鑼灣廣場二期等再上去.一個TB同佢個女朋友....ok,人齊晒,上Virus.
o個晚越來越多人,好熱鬧.我自問鐘意o既係女仔....但奈何o個晚,視線係離唔開留意我表姐個TB朋友.佢係Chinese加Thailand混血先....佢唔係好靚仔好man個種....種feel係盧巧音o個隻,即係女同性戀最prefer對象o既style.
佢好主動,第一次見佢佢已經無啦啦拖我隻手.一個星期後,第二次見已經Kiss埋....ha,諗都諗唔到會同一個TB咁....不過呢o的野,有o的似one
night dance種感覺.
Falling
in Love
真真正正第一次拍拖係中五o個年....女朋友係我o既同班同學....點解開始,感覺呢o的野好難講o既....至於點解分手?....完全係我o既問題,唔關佢事....不過我唔想再提.佢對我好好亦係一個好女仔,佢唔係o個o的好煩o既女仔,獨立,讀書成績唔錯,又就我....可惜,唔太了解我.所以好快就完左....我好記得係o係我17歲生日o既第二日分手.
同佢散左冇耐,同一年,我o係ICQ識左好多Lesbian朋友.有一日,其中一個send左o的相過黎比我睇,好奇怪,係一o的結婚相.原來,相入面係一對Lesbian
o係外國注冊結婚o既相....當時有一個念頭....唔知有冇機會識到佢呢?我問send比我個人....佢都話佢都唔識佢地.Alright,
forget it then.
大約一個星期後,有一個女仔無啦啦add我,傾左一陣就交換相勒.一打開個file,
ha原來佢就係我上個星期收到o的結婚相o既女主角.一個偶然o既機會下,咁就識左....好快亦都開始左.開始得快,了解未夠,當然就梗係冇好結果啦....何況她是一個有'夫'之婦?有一日,我亞媽好認真咁同我講,'你唔係攪基呀?係我就斬死你'....唉,有時o的野唔係我唔承認,只不過係佢地唔接受.旁人都睇得出我係一個乜野人,何解仲要o係親戚面前強調妳個女係'鐘意男仔'呢?
我真係想講一句：哥哥~張國榮,"we
are so proud of you".
我拍拖未試過o個o的好長....一年,兩年....但係我就試過鐘意一個女仔好長、好長時間....佢係....
Hmm,冇記錯的話,應該係鐘意左一個女仔差唔多2年....佢係我讀中學時候o既一個'小師妹'....佢比我細三年.所以o個時我中四,佢中一o岩o岩入o黎冇耐,我就已經留意到佢.
佢係我見過o既女仔當中,可以好貼切用'可愛'o既唯一一個.眼大大,鼻尖尖,頭髮長長,唔食煙....雙眼永遠都係保持水汪汪咁....真係好可愛.我開始想去識佢,叫同學幫手得知佢名...班....住邊.跟住開始成日尋找佢o既去向,知佢搭邊班車就去撞佢搭同一班車,去同一地方食飯.運動會,全校出席,就借o的意走去搵佢影相....後來比佢o的同學仔知道左,閒言閒語/小朋友是非就一定多.可能係咁啦,我自己又太明顯,所以令到佢驚左我.因此,就開始避我....不過佢好Cute嫁真係,一見到我的話,佢就會好大聲咁叫,跟住就"dub"低頭走....ha,諗起都覺得過引呀o個時!
Afterward
其實,有邊個唔想有一個靚o既女朋友(問心o個句!)....但我覺得,起碼你拖住佢出街o既時候,自己唔會'doubt'低頭向前行.
外表....亞Bon會好注重,自問唔係高大靚仔,但至少我唔係好幣o個隻.其實兩個人相處....'信任'係真係好重要.互相信任,坦承,
呢o的咁基本去相愛同專重你partner都做唔到,咁學咩野人講誠諾?!兩個人相處之道,各有不同....但以上所講o既以及容忍,包容,忍讓....等,都係少不免.
係呀....亞Bon都好耐冇拍拖勒,不過呢o的野都係相互相成.我好衰,有時忽然對一個女仔有感覺o既時候,我會好專一咁對佢好好....係比較偏心.但係'感覺'....真係好快....走左o既時候我會好似絕跡咁,個女仔會覺得我係突然消失....係呀,冇錯,當個女仔有意思o既時候....我對佢已經冇感覺.
我係渴求o係我身邊有一個向我發脾氣o既女友(妳有的話,已是福份).有....不是很難,但妳唔愛佢而同佢一齊....以我o既性格,好快一定會講分手,那麼....何必害人?
那麼....一個能令我覺得驕傲o既女朋友又會何時出現....