2004年6月21日 星期三 晴天(間中有雨)
今日在一早回勵志中心，慢慢開始將自己手頭上的工作交給下一手。同李生及Suki、ChuChu、Jenny開會開左兩個鐘，傾左好多未來商務中心工作。在中心做義工呢兩個多月，學到好多野，自己的Mind也慢慢開始轉變,以前我會覺得社工這樣做好似太商業化，但原來這個所謂的商業化，要看你如何睇及如何運用，正所謂物盡其用，懂得用身邊的資源，當然包括用人啦，是一門很高的學問，更開放地去接受一些新的事物，原來任何人及事都存在很多不同的可能性。
之後再清理下商務中心，因為上星期收左三張寫字枱翻來，又來一個大變動，所以好亂。商務中心呢個小天地都算系我同安仔兩個一手一腳搞出來的，希望我地走左之後，其他人都會繼續做好，發揮到商務中心的功能，幫到真正有需要的人士。
差不多要離開中心，真系好唔捨得，唔捨得一班好同事，我會時常記掛李生同陳生的唱雙簧，及中心一切，會時常翻去坐下，探下班。很欣賞Shirda對工作的熱誠；很佩服李生個腦轉得甘快；很喜歡Suki的善良，好Nice；很感激陳生好似老師甘一直教我野及關心我，時常提我增肥，雖然好多時被佢取笑；雖然Bona有時惡左ｄ，但佢對我好好，時常提點我；仲有一班好疼我的中心家長和小朋友；雖然同安仔合作了較短的一段時間，但大家相處得很融洽，很開心，希望之後都可以keep in contact，有機會可以再合作....當然仲有走左的Christal同Becky，好多好多人，中心俾左好多回憶我，昨天看翻之前嘉年華的相及VCD，當中有我很用心搞的童心劇場，又好笑，又有Ｄ感動。
夜晚去昨朋友屋企打邊爐，好開心！同朋友一齊煮生果西米露，雖然沒有我們在宿舍時煮的好食，但都免強ok ge，好多生果好好味，其實我都好鍾意煮野食，能煮野俾大家食，而且大家又食得開心，我覺得是一件很幸福的事。