被同學取笑
   他說:「我讀小學五、六年班已經開始買好多叮噹既產品,就算讀到中五、中齊,我D文具、記事簿全部都係叮噹,好多同學都笑我,但係我照樣日日放學去文具舖,睇下有無D新既叮噹產品,屋企人從來都無覺得我嘥錢,好多時仲會買埋俾我添.」
   堂堂一個男子漢,居然會日夜與叮噹為伴,究竟叮噹有什麼吸引力?
   「除左佢個樣好得意之外,梗係好鐘意佢既法寶啦,特別係【時光機】,我細個成日諗,如果有個【時光機】好多野就可以返轉頭,就算做錯事都唔怕,返轉頭就可以做返岩.」

最想要【百寶袋】
   雖然【時光機】可以令時光倒流,但人始終是貪心的,Bosco說:「我最想要都係【後備百寶袋】,因為【後備百寶袋】係同叮噹身上既【百寶袋】相連,所以真係要咩有咩.」
   與叮噹「相處」的日子,當然沒有什麼衝突,趣事倒有不少.
   「有年生日,我有個朋友送左個吹氣無線遙控叮噹俾我,我返到屋企好想即刻玩,但係發現無泵,結果我攞住係咁吹,吹左成十幾分鐘,成個人無晒氣,點知吹完先發覺無電池,我又懶得落街買,所以就咁將佢擺埋一邊,後來阿媽話佢阻住晒,最後咪放晒D氣收埋佢羅!」
   這次Bosco亦將吹氣叮噹一起帶來,可惜公司的氣泵壞了,Bosco又要將案件從演一次,將叮噹吹滿氣再放氣,幸運的就是今次Bosco帶枇了一個好友代勞,總算吹得無咁辛苦

Profile
姓名 : 黃宗澤
英文名 : Bosco
出生日期 : 12月13日
身高 : 5呎11吋
體重 : 160磅
嗜好 :
收集叮噹、炒兩味、打籃球、游水、楂車
曾參演劇集及節目 :
<金裝四大才子> , <雷霆第一關> , <創世紀2> , <海南島旅遊特輯> , <TVB.com直check電視城> , <非常音樂空間> , <無線領先迎奧運> , <2000年港姐總決賽> , <Orient 4 Hair Show>
廣告 :
<Hi-C陽光檸檬茶廣告>,<萬眾電話>