「未入娛樂圈前，我養過狼狗、西施、沙皮、史納莎、家貓。四隻狗之中，我最鐘意史納莎，西施最嗲我，最好可以成日跟住我；狼狗最保護我，又識照顧自己；沙皮比較貪玩，好多時會做D危險既野，但係好少病。不過，因為無咁多時間照顧佢地，媽咪就將狼狗、西施同沙皮送俾人養，諗起都唔捨得!」Bosco輕撫著Lu Lu，娓娓道出其養狗歷程，更說有機會時，會考慮飼養一隻古代牧羊狗，貪其外型趣緻

怪招懲罰狗仔
  「唔知點解，我係好錫Lu Lu同Boy Boy，但又好鐘意整蠱佢地。咪以為佢地細細隻，食量唔大，但其實佢地好為食，最鐘意爬上飯枱，騷擾我食飯。為左教訓佢地，就係佢地個嘴色搽上白蘭地，實行灌醉佢地，睇佢地以後重敢唔敢?」這種古怪的懲罰，令小記有點詫異，並有理由相信，只有貪玩的Bosco，才會想出這種方法!
  「講開又講，佢地都唔弱，成日係我訓覺時，乖機咬我D腳趾，然後急急腳咁走出去，真係俾佢地激死!仲有，Lu Lu最鐘意去廚房，搵D食物當做玩具玩，尤其是狗餅，佢唔單止將D狗餅當波玩，又鐘意每塊都咬一啖，有次仲俾狗餅卡住喉嚨，好彩最後都無事，不過都真係嚇死我!」估不到Lu Lu同Boy Boy這樣聰明，懂得以這些招數，玩轉Bosco呢!

愛心爆棚好主人
  講到狗仔衫的話題時，Bosco馬上變得眉飛色舞。「平日行街時，一見到得意既狗仔衫，我通常都會買俾佢地。」可見他真的非常寵愛Lu Lu同Boy Boy呢!此外，Bosco表示飼養寵物一定要有責任心，多花時間及愛心去照顧其起居飲食，閒時亦要帶他們出外運動。「我一攞起狗帶，準備帶佢地出去散步時，佢地就會好興奮，唔停咁搖尾。」Bosco果然是位盡心又盡力的好主人，Lu Lu同Boy Boy真是有福 !