無線新劇《戀愛自由式》中身形黑黑實實飾游泳健將的黃宗澤，原來現實生活中亦是個愛海之人，無論游水、潛水、滑水樣樣皆能，名副其實一名「水怪」，難怪他亦笑言:「我對住個海仲多過對住我屋企人同埋我張床。」

黃宗澤自小已視海為家，無論讀書、食飯或者分享喜怒哀樂，他喜歡以海為伴，但原來他在童年時，曾因愛海天性而險些賠上性命，他表示:「六歲左右，同阿媽一齊去海灘，當時我唔識游水，但係見到個海就好開心，於是就自己一個膽粗粗攬住圓柱形水泡落水，游到好遠好深水之際，個水泡突然跣手，當時我好驚，不斷叫救命，隻手係咁撥，但係阿媽都唔知我出事，好彩當時有其他泳客見到救番我，如果唔係的話，可能已經做咗水鬼。」黃宗澤強調，遇溺事件雖令他刻骨銘心，但仍然無損他對大海的沉醉。

至於提到事業之際，黃宗澤坦言現階段事業剛剛起步，故不敢多作奢望，不過回想當初入行時，因得不到重視而對娛樂圈心灰意冷，他表示:「三年前我入行一直都無劇拍，當時我仲諗係咪自己樣衰呢?我一直等，到而家開始有得拍劇，我先有番少少信心。」

黃宗澤自小已視海為家，就算童年曾遇溺，亦無損他對海的鍾愛。

經常出海，令他曬得一身古銅膚色。