正在播映的劇集【英雄、刀、少年】，是在無線鬧「小生荒」的時期拍攝，因此大膽起用新人「擔大旗」，出來的成績卻相當不俗，同時亦造就了兩位原本寂寂無名的新人吳卓羲及黃宗澤的知名度。

感受到收視壓力
通常有名利就自然惹是非，最近外間經常將二人拿來作比較，問到吳卓羲可會因外間的比較而影響到兩人之感情，甚至乎又會否引起心病?吳卓羲說:「從來都唔介意外間將我同宗澤作比較，呢D比較對於新人來講一定會有；我從未將宗澤當係我的假想敵，可能我同宗澤都係同期新人，所以同佢好Friend，好有默契，絕對唔會因為呢D報道影響到大家嘅友情。」

首次擔正的吳卓羲，坦言感受到收視高低帶來的壓力，他說:「以前幾部戲，戲份都唔多，所以根本唔駛擔心收視，但係而家呢套就唔同，始終係第一次擔正，所以對收視都好緊張，依家見收視都唔錯，所以都放下心頭大石啦。」