周圍八 : <<戀愛自由式>>九男女暑期激想
「自由人」回味非常暑假

  今個暑假大家過得開心嗎?有無難忘既事發生呀?劇集<戀愛自由式>既一班男女演員雖然已經放低左書包一段日子，但都曾經享受過學生特權 - 放暑假，當中仲有唔少難忘經歷，令佢地至今都非常回味。大家不妨睇下佢地既難忘暑假同經歷跟各位似唔似吖 !

   黃宗澤(Bosco)為人重情重義，某年暑假更與其他六個由細玩到大既死黨於天后廟內結拜為兄弟!「個年一大班同學去宿營，成十幾個人架，不過負責去租屋既同學就租左間超細度假屋，幾個女同學就要左間房，我地七個男仔就逼埋係一間100呎都唔夠既房度，齊齊訓係張梳化上，逼得幾慘呀!記得個晚我地所有男仔走左去附近一間天后廟，忽發奇想要結拜，一齊衝入去發誓話成班兄弟永不分離，大家仲有擊掌為盟呢 !