數年前，一個檸檬茶廣告，紅了張柏芝。相信沒有多少人記得廣告中柏芝身旁的後生仔是Bosco (黃之洋名)。等足幾年，終於從無人認識到現在擔正做主角，等的過程難捱嗎?
  「做呢行都係等做主角既一日，有段時間自己淨係做D好細既show同主持，個人成日都好down，會問自己點解人地有得拍劇自己冇呢?當知道有機會演一些重戲份時，簡直開心到跳起。第一套真正有機會發揮既係 <衝上雲霄>，一接到劇本好緊張，死度爛度想做好個角色，好好彩遇到吳鎮宇，佢教我幫自己個角色寫自傳，令我完全掌握到個角色。
  「覺唔覺得公司唔夠小生，所以有機會上位?又唔覺喎，公司有咁多人，好似馬浚偉、古天樂、陳豪、唐文龍等等，如果自己做得唔好，就算點鬧小生荒，機會都唔輪到自己啦!加上香港有咁多靚仔，又有咁多人想做呢行，發掘多D新人都唔難既!所以都要靠自己努力同勤力去把握機會。」
  目前正忙於拍攝新劇<足秤老婆八両夫>(暫名)的Bosco，面對好戲之人郭藹明又有否感到壓力呢?「初初唔識佢都好驚佢，以為佢好正經好惡，但原來佢好百厭，好鬼好笑，我地成日對稿都笑唔停。我最佩服佢已經冇咩時間休息，但居然仲有時間可以睇晒所有新出既劇本，仲睇得快過我，都唔知佢d時間係邊度黎既!」又一次跟高手過招，相信Bosco今次一定又學到不少東西喇 !

係新劇做Bosco老婆既郭藹明點睇Bosco呢?
「Bosco都幾聰明，做得夠放，外形都幾好，上唔上到位就要睇公司俾幾多機會同運氣喇!」

曾經與Ron同Bosco合作過的吳鎮宇，對呢兩位後輩又何評價呢?
「佢地應該去做喜劇，成日都咁好笑!其中而家咁缺乏電視男演員，都係時候換下血，因為睇既人不停轉變，用新人可以吸納新一批觀眾，佢兩個都好有時代感，呢方面對佢地都有利，但我建議佢地唔好向前輩學習，尤其係我，應該要有自己一套，順番自己感覺去做，建立出信心之後，先創造其他唔同角色啦!」