喺現正出街嘅劇集<英雄、刀、少年>及正在拍攝中嘅<足秤老婆八両夫>中，黃宗澤都要剃頭演出，剃得頭多，Bosco都好驚會有兩個「後遺症」，一係驚D頭髮生唔番，二就係驚屋企唔夠位俾佢擺帽子及頭巾!
「我而家三、兩日就要剃一次頭，由於而家個造型頭頂有執頭髮，所以每次都一定要搵髮型師幫手剃。因為我唔想以呢個髮型行出街，所以出街都會戴帽或頭巾，愈買愈多，擺滿屋企六呎櫃嘅一角，我驚遲D會冇位擺呢!」
Bosco認為呢個髮型唔可以出街見人，所以買定多款帽子及頭巾襯衫。
拍外景時仲可以用呢個方法擋太陽添!