陳鍵鋒
入行較早的Sammul，未拍此劇時已認識Bosco和Ron，不過要真正熟絡，都係由此劇開始。「和Bosco、Ron都係透過綜藝藝目而認識，前者是一起表演某個項目，後耆當時則仍是dancer。」
Sammul眼中的黃宗澤...
優點  : 好易相處，又唔計較，同任何人都夾到，符合晒做朋友的條件，而且天生係搞笑高手，好識講笑同搞氣氛
缺點 : 成日都人等佢!因拍此劇時我好多時候會車埋佢，約左佢係某個位等我，但十次裡面有六、七次都係掉番轉頭要我等佢 ! 不過事後佢會請我食飯補數，好彩做野果陣唔係咁咋
難忘經驗
好多 ! 最記得係四個大男人睡在一間五十米的房間裡，好似行屍咁，還要住足一個禮拜 ! 還有一起拿著地圖搜尋二手軍用舖，因為大家都好鐘意D軍褸、軍褲。
　

馬國明
馬國明是因拍此劇才認識其餘三人，「之前未和他們合作過，直到拍此劇才認識，不過大家都是年青人，又多對手戲，所以好快熟，加上一起出埠拍劇，自然更會黐埋一齊啦 ! 」
Kenneth眼中的黃宗澤...
優點 : 大情大性，率直，好多野講完就唔記得，唔會放在心上。
缺點 : 略嫌貪玩了些少，有時大家好正經咁做緊野，佢就係度玩，不過其實都好少情況係咁。
難忘經驗 :
玩花式飛行，有錢都做唔到，仲有係有時拍我地四個人的場口時，導演想拍出輕鬆自然的感覺，讓我們自由發揮，於是大家就玩爆肚，感覺很得意。
　

黃宗澤
黃宗澤與吳卓羲相識最早，當時Ron還是舞蹈員，大家因為合作做show而認識，跟著二人簽約TVB並同屬一個經理人，所以特別相熟。而與陳鍵鋒(Sammul)未拍此劇時只屬點頭之交，後來因為拍劇集而有更深了解。至於認識最遲則是馬國明，二人因【衝】劇而相識及熟絡。
Bosco眼中的...
吳卓羲
優點 : 我地可以傾到D好深入既話題，而且佢發表既意見好有point
缺點 : 輕佻再帶點浮誇，不過呢D情況唔多出現，佢間中先發作。
陳鍵鋒
優點 : 好玩得，幾平易近人，很容易與他熟絡。
缺點 : 佢間中有少爺仔脾氣，不過偶而會發下咁咯 !
馬國明
優點 : 好好人，好易話為，做事小心同謹慎。
缺點 : 性格有點婆媽，好多時間揸不定主意。
自評 : 我一係唔應承做，一做就要做到最好。而且咩都夠膽死，危險動作希望由自己黎唔駛替身。
難忘經過 : 在日本拍攝時，晚上無咩娛樂，一班演員一收工會係民宿諗D遊戲玩，例如耍盲雞吖!仲要捉到個人之後估佢係邊個，大家相處好似一家人。另外係澳洲玩花式飛機，有人頂唔住而嘔，係邊個我就唔講啦 !