【衝上雲霄】高開收32點，除左令吳鎮宇成為靚妹靚仔偶像之外，劇中傍住佢嘅「F4」亦同時標出頭。
呢四位準機師自稱F4 --- 無錯喎，佢地係Flight 4四人組，名正言順 !
「四葉草」在先，而家又有「FLIGHT 4」，無線終於出手捧新人，問題係邊個跑得出真係各安天命，事實上佢地演出【衝上雲霄】之前，已經係電視圈好耐，只不過大家一直無留意到佢地。
做電視藝人，真係分分鐘做左4、5年，拍過7、8套劇都未必講出佢地個名架 !
| 檸檬王子 黃宗澤 靠柏芝入行 宗澤 : 「我入行都係因為同柏芝拍左個檸檬茶廣告，拍果陣都無諗過會有咩改變，但係點知個廣告出左街之後，TVB就開始搵我試鏡(嘩!都已經4、5年囉喎)。初初入行果陣都係以做主持居多，好似【非常音樂空間】咁，其實我都等左一段時間先至有戲拍，所以有段時間我都有諗過打消拍劇嘅念頭。但係因為【衝上雲霄 】呢部劇，導演想搵一D新嘅面孔，咁就叫左我去試鏡。就係咁，我就正式咁加入咗戲劇組。」 足秤演員 宗澤 :「【衝上雲霄】係我第一套劇，當初知道公司肯俾呢個機會我果陣，我真係好開心，但係亦都有D擔心，因為之前我都未正式演戲，都怕自己會Handle唔到，不過好彩呢套劇入面有好多都係新人，而且又有鎮宇同好多好戲之人，所以先無咁驚咋!拍完呢套劇之後，我開始有機會做戲，好似【戀愛自由式】、【英雄、刀、少年】同【足秤老婆八両夫】，我自己好鐘意【足秤老婆八両夫】呢套劇，因為佢係一套喜劇，好笑之餘，我個造型亦好搞笑，所以我好想呢套劇可以快D上。」 見到柏芝已經紅遍東南亞，一齊起步嘅宗澤，自認唔係一個一帆風順嘅人。 「我都試過無野做，所以我而家淨係希望可以有多D野做，唔好俾我停。我咩都想試，咩都想做，大家最好當我仲係新人，俾多D機會我，咁我就滿足嘞 ! 」 |
|
