在現今社會，「英」為何物?
要人人追捧?舉世讚頌?難度似乎高左D。
正被無線力捧上一線小生的黃宗澤(Bosco)話:「做呢行，梗係想紅、想多人識，我就想自己做好D，再儲夠錢買車、買樓，咁就正囉!」
對22歲的年輕人來說，視買車、買樓為「英」的，心頭似乎高左D。
「屋企得我一粒仔，我梗係有責任等屋企人住得舒服。」吃著炸魚柳，喝著白酒的Bosco氣定神閒說。
食得咁招積，距「住得舒適」的日子不遠的Bosco，拿起電鑽，加上殺氣騰騰的眼神，Wooh!係人都知你上緊位啦，黃生!點敢阻你做業主呀?
買樓固然「英」，不過我想話俾Bosco知，唔係幾多人好似佢咁中產到可以隊白酒，即係話，查實家陣有份工打吓，都已經好「英」吓。
| 不講不知，其實Bosco入行經已5年，他98年與柏芝一起成為「陽光檸檬茶」廣告的主角，其後柏芝被星爺賞識，甫入行就一嗚驚人，而Bosco呢?也被無線看上，當然，星途就沒有柏芝那麼平坦。 犯賤 假如有選擇，任誰也會選坦途，而捨崎嶇路，但對Bosco來說，打拚五年才為人熟識，除了因緣際會外，他自言若然當時有得揀，也寧願慢慢熬出頭來，嘩!男人真係咁犯賤既? 初入行咩都唔識，不過做明星喎，梗係爽啦!一簽TVB，我就諗自己幾時幾時會紅，個心都諗到雄晒，事實就梗係無咁理想啦!有時錢仲會唔夠使，要問番屋企人津貼吓，早兩、三年真係有D灰心架。 但係我係果隻唔開心會擺係心既人，果時一係就做野，一係匿係屋企，有諗過放棄，但係有一日，我係屋企亂諗野果陣，就覺得自己做野好多時都得果三分鐘熱度，唔夠堅持，於是就下定決心，堅持到底，做戲都係打份工者，係自己嘅事業，做番件事俾屋企人睇，等佢地知道我大個仔。 依家諗番，有當時嘅經驗，我先至識得珍惜依家嘅機會，反而如果俾我一入行就紅，咁順利我會飄飄然架!
彩數 嘻哈
|
|
