| 黃宗澤、陳鍵鋒後尾枕搞「花臣」 一向喜歡搞鬼嘅黃宗澤(Bosco)，連自己個光頭都要玩餐飽，估唔到斯斯文文嘅陳鍵鋒亦一樣咁鬼馬，同樣喺個頭搞「花臣」! Bosco說:「我因為拍劇連續剃咗三次頭，無晒頭髮就無嘢好搞，好彩拍清裝剃頭可以留番後尾枕D頭髮唔剃，於是我就叫髮型師幫我喺嗰執頭髮度搞啲「花臣」，結果佢幫我染咗一粒星星，不過拍劇嗰陣一戴咗條長瓣，就睇唔到粒星星，所以無咩人知囉!」 Bosco拍攝【英雄、刀、少年】時首次剃頭，隨著拍攝【足秤老婆八両夫】(未播映)及拍攝中的【我師父係黃飛鴻】(暫名)亦要剃頭，呢啲大概就係所謂「一不離二，二不離三」呢 ! 至於鍵鋒，其實早前已在剃了頭的後尾染了一個十字架，而最近佢又將已走了樣的十字架改染成一棵聖誕節，真係十分應節，小記睇見佢兩個又聖誕節又星星，禁不住也想唱番句「噢 !聖誕節 !噢!聖誕節......」Merry Christmas呀 ! |
 |