BoscoLand

2004年06月06日成報

無線奧運主題曲MV昨日舉行首播禮，除身在肯雅拍攝外景的林峯缺席外，其他「奧運五星」吳卓羲、陳鍵鋒、黃宗澤、黎諾懿及馬國明均有出席。無線方面特別招待了「奧運六星」的Fans與偶像齊齊率先欣賞此MV，Fans們不停大叫及高舉支持牌，當中以吳卓羲、陳鍵鋒及黃宗澤的Fans最多，而五星中則以黃宗澤最識哄Fans，其他藝員已經走晒，他仍然拚到最後一兵一卒跟Fans拍照、簽名、傾偈，未知是否因為早前被負面新聞纏擾，所以施哄功討Fans歡心呢？＜採訪、攝影＞娟妹

　當現場所有儀式完成後，Fans可以跟偶像玩遊戲及拍照，有Fans更即場拆了大會送贈的T恤搵偶像簽名，其中一名女Fans大聲高呼自己是馬國明Fans，但轉頭又搵陳鍵鋒簽名。事後問陳鍵鋒可會尷尬？他說：「唔會尷尬，Fans同其他五星玩，大家Fans大家開心。以我觀察Fans冇爭鬥，鍾意呢個又鍾意果個都好正常。（你今日好多Fans？）今日係安排每個奧運之星有12張飛，平均分配，避免出現爭飛同爭拗既情況。」

馬國明Fans搵陳鍵鋒簽名

　黃宗澤主演的劇集《足秤老婆八両夫》首周收視有29點，對此，他坦言今次首度擔正演出，起初確實有點擔心，直至無綫總經理陳志雲告知他這個好消息開心之餘又鬆一口氣，但謙稱劇集收視好是因為郭藹明（Amy）有收視保證。曾揚言收視好會穿低腰褲，黃宗澤自爆已買了一條低腰四個骨褲，更笑言可以露底褲邊。原本黃宗澤打算約麥長青、黎耀祥食飯，奈何兩人均不在港，至於為何不約Amy？他笑言：「唔得啦，老婆要陪老公。」

黃宗澤赴北京拍劇請助手

　15號黃宗澤會飛往北京拍攝劇集《覆雨翻雲》，是次會逗留四個月，由於北京又熱又曬，怕熱的他會帶備大量防曬用品傍身。黃宗澤透露林峯在當地會請兩名助手，問他會請幾多個？他笑言：「請一個囉！一個助手開支要千幾蚊，請多幾個成份糧都畀埋佢咯！」

「奧運五星」吳卓羲、馬國明、陳鍵鋒、黎諾懿及黃宗澤，與Fans齊齊率先欣賞無線奧運主題曲MV。

黃宗澤換回便服後，仍然跟Fans傾偈打成一片。