陳鍵鋒幫馬國明Fans簽名
昨日「奧運六星」吳卓羲、陳鍵鋒、黃宗澤、馬國明及黎諾懿等昨日主持無㵟奧運MV首播禮，各人的Fans亦有撐場，其中以吳及陳最多捧場客。席間陳鍵鋒為女Fans簽名時，該女Fans竟怪叫：「我跟馬國明架！」令陳當堂面紅耳赤，不過他仍死撐：「唔尷尬，我地六個都咁好，公司今日都平均派飛畀Fans，冇鬥爭既！」而黃宗澤對於新劇《足秤老婆八両夫》收視高開，自爆受高層讚賞，令他放下心頭大石！
至於近日被傳與林峯「面左左」的吳卓羲（Ron），當然例牌否認：「食野梗係擰歪面啦！如果面對面咁食又話我地Gay，我寧願傳不和喇！（之前傳過你同薛凱琪不和，係咪你有問題？）唔會既？可能我個樣似老竇太Cool，令人誤會啦！」其後阿Ron出席旺角街頭派糖活動，吸引過百途人圍觀，幸未被人乘機抽水！
|
「奧運六星」（左起）吳卓羲、馬國明、陳鍵鋒、黎諾懿及黃宗澤主持MV首播禮，而林㶴因拍劇缺席。
|