近日氣溫徘徊攝氏廿度左右，名副其實乍暖還寒，黃宗澤與胡杏兒這對苦命鴛鴦，繼日前冒寒拍攝新劇<我的野蠻奶奶>一場落水戲後，正所謂戲服都未乾，昨日又為該劇拍攝淋雨跪地戲份，簡直百分百「食正」這股寒流。
 
昨日所拍的劇情講述「蠻奶奶」汪明荃踢爆「曳媳婦」杏兒的詭計後，即施醋刑下令對方冒雨下跪反省，黃宗澤夾在「孝順仔」與「老公仔」之間，惟有舉傘陪杏兒下跪 ! 經濟一陣死去活來後，終於令「蠻奶奶」心軟收回成命，大團園結局。拍攝之時，只見杏兒不時震騰騰，未知她是太入戲，還是凍到打冷震 ; 至於有傘護身的黃宗澤亦難逃一濕，與杏兒鬥震 !

黃宗澤無捱鬧

事後杏兒即飲熱茶暖身，兼披毛巾取暖，剛巧路過的「蠻奶奶」竟笑說:「哼 ! 同我鬥?今日就淋雨，聽日就用屎淋你 !」令杏兒哭笑不得，她嘆說:「呢套劇我同個【水】字好有緣，尋日先落完水，今日又黎濕過，不過我估唔到今日咁凍，早知打底啦 ! 」

至於首次與阿姐合作的黃宗澤，坦言首日合作已被對方教訓，他說:「我第一次同阿姐拍劇，唔係講笑，真係驚到震呀 ! (你有無遲到被鬧?」梗係無啦，不過首日開工，阿姐已教我糾正番啲懶音囉，真係要俾足心機呀 ! 」