| 張家輝狂質蛋糕玩謝黃宗澤
尋日二十四歲生日嘅黃宗澤（Bosco），出席《天涯俠醫》宣傳時，成班演員張家輝、林㶴同唐寧等，帶埋蛋糕同佢慶祝！不過出名貪玩
嘅家輝趁住壽星仔吹蠟燭時，將佢個頭「質」落個蛋糕度，Bosco即刻用忌廉還擊，經過一輪蛋糕大戰之後，雙方先肯收手。Bosco事後同諸事姐講：「正死仔！不過冇所謂啦！我
地成班人不嬲都玩得好癲，家輝都教左我好多野！」
林峯被寸整容
整蠱完Bosco後，家輝未夠喉，當佢見到林峯「咪嘴」唱歌時，竟然搶
左林峯支咪跟住扮唱，但係繼續播林峯把聲，搞到林峯鬼咁尷尬，但係都冇人黑面，睇黎佢地真係幾老友！另外，林峯玩遊戲時，不但畀人用繃帶包頭，仲畀羅敏莊
搵佢整容嘅傳聞黎開玩笑：「啲人話佢搞過個鼻者！唔使搞佢下巴喎！」
|
搞到壽星仔黃宗澤成面忌廉後，張家輝（右）笑到唔識收聲！
|