黃宗澤真係可以話「今時唔同往日」，佢去年簽無線果陣，仲係做埋啲行行企企嘅角色，話就話力捧，但之前部【英雄刀少年】唔係好掂，至早排嘅【衝上雲霄】先多啲人識，唔知係咪呢個原因，令到黃宗澤對自己嘅形象好著緊。
 兩個禮拜前(2月19日)佢喺尖沙咀海港城同女友行街，本來兩個人行得好埋，不過聽見有途人誤認佢係「吳卓羲」之後，即刻提高驚覺，同女友愈行愈遠，仲點咗女友去City super買嘢食，自己就一個人去咗Page One打書釘，仲一副大明星咁款好鬼cool，有人叫佢果名佢即係板起塊臉。之後黃宗澤就走返去City super會合女友，仲好有風度咁幫女友攞個膠袋。
 事後記者攞埋張相搵佢回應，點知佢死口唔認拍拖，仲話:「果女仔只係朋友果女友。」嘩!約會完仲送埋人返屋企，係人地女友又點會咁殷勤吖!

黃宗澤雖然唔敢喺大庭廣
眾拖女友隻手，但幫女友
攞野，都算有風度。

黃先生點咗女友去City
super買嘢，自己就走左
Page One睇書，睇嘅係
有關歌劇嘅書，不過最後
一本都無買。