迷彩圖案的產品可謂歷久不衰，捧場客亦有增無減，黃宗澤(Bosco)是其中一位。近三年才開始愛上迷彩的他，家中每個角落都布滿迷彩物品，多到自己都記唔清，今日公諸同好的，只是其中一小撮咋。
 「我開頭唔鐘意架!係因為有一次，有朋友開時裝店，店內有很多迷彩服，他極力慫恿我試，結果試試吓就上咗瘾，每次見到有迷彩的東西便想買下來。我覺得迷彩靚得黎又『襟』，好似任何時候都興，而且不同國家、不同時間的圖案又會有唔同，配搭夠多唔單調。」由於朋友、fans知道他喜愛迷彩，所以Bosco周不時收到迷彩禮物呢!「好似我身上著緊呢件就係朋友送嘅，呢個咕臣仔則是fans送的，自己買加上別人又送，唔覺唔覺屋企就儲埋咗好多，幾乎每個角落都有，都無統計過總數。」
 為了收集更多不同圖案的迷彩，Bosco每逢出埠工作或旅遊都會周圍搵吓邊度有迷彩物件，收穫最豐富的，要算是往澳洲拍【衝上雲霄】的一次。「我地喺澳洲發現咗一間專賣迷彩用品的店舖。原來吳鎮宇和吳卓羲都鐘意迷彩，結果大家爭崩頭!「我記得我睇中一條褲，但全店只得一條，鎮宇已搶先一步睇中咗，就咁爭輸俾佢，佢有過百條迷彩褲架!好誇張!但係又唔多見佢著喎!最近去完無錫，聽講那兒有一間賣迷彩的店舖，但我搵極都搵唔到，所以好失落!」
 Bosco承認愈來愈鐘意迷彩，仲諗住將來搬屋把房間的牆變成迷彩色，「我計劃過架!將迷彩布鋪滿牆當做牆紙，然後再掛上相片、襟章，一定好靚啫!」不過Bosco短期內都唔會搬屋，所以惟有幻想吓先啦!