January   10

今日幫allan搞歡送 , 好多人呀!有成30人 , 好耐無見過咁多人一齊 , 仲要有miss阿sir , 好似以前去遊行咁 , 都幾開心 , 都證明左allan嚮我地班地位係幾咁高!其實allan走真係有d唔捨得 , 佢真係好好人!佢今次走左 , 都唔知幾時見到佢啦 , allan保重呀 , 我地等你返黎 , 你都唔好唔記得我地呀!不過可惜0既係聽到阿恆唔再玩音樂 , 聽到別人要放棄理想 , 總覺得很可惜!

January   11

今日去左睇金雞 , 好好笑 , 但其實佢有好多好正面0既信息0架。之後嚮見到晨輝做野 , 佢整左杯野俾我飲呀 , 真好!返到屋企畫圖0既時候 , 新同學仔自彈自唱左好多首歌我聽 , 佢真係好勁 , 自學可以有咁0既成績 , 我真係有d慚愧呀!

January   12

今日去左ping屋企打邊爐 , 我可以好肯定佢係唔開心 , 佢唔肯講 , 我就覺得同我有關!唉!

January   13

今日2:30先返學 , 有d怪咁 , 好似未試過咁!得到聽日唔駛返0既消息 , 唔知開心定唔開心 , 因為有成個月無上佢堂 , 要俾返6個鐘佢補堂 , 死俾佢睇 , 上6個鐘storytelling , 會死!!!返到屋企就係咁畫圖 , 用graph paper畫完 , 之後點佢出黎 , 再去小畫家一個一個pixel點佢出黎 , 做完有d盲0既感覺!

January   15

今日好唔乖呀!走左一堂去睇魔戒呀!不過算啦 , 有時係要玩下先會識死!不過最0既問題都係呢排洗錢好似無咩節制咁 , 用左幾多都唔知 , 係時候改變下啦!

January   17

好多野做呀 , 真怕做不了。我知自己做野係慢左少少 , 但係我已經好努力 , 俾d時間我好唔好 , 想早d做完 , 咁就唔駛成日覺得自己咩都唔識做!

January   20

CGV功課俾左deadline啦 , 同game design差唔多 , 新年唔訓都唔得啦!

January   21

個結他整返好 , 唔得 , 我一定要買一個好d0既 , 練好d結他。提子叫我日日練15分鐘 , 練練練!!!

January   23

屯門公路又撞車啦 , 上左車成8個字仲嚮公路口行都唔行下 , 好驚好似上次咁 , 所以今次落左車 , 行左去市中心搭去元朗再出青衣 , 好貴呀!返到屋企 , 阿爸先同我講 , 搭船可能會快好多 , 又唔見佢早d講!!!唉 , 總之黑啦!!!

January   28

第一日去少艾練波 , 都ok啦 , d人都幾nice0既 , 希望有一個新開始。練完去左旺角食飯 , 又食又傾 , 結果成1點先返到屋企 , 真係好夜!!!

January   29

今日打俾miss楊 , 同佢講我打少艾 , 佢話想俾我打乙組 , 都唔知係咪 , 如果真係 , 我都打唔到 , 返唔到頭啦 , 又唔早講 , 我都唔想走呀!唔開心!!!

January   30

今日本身想去捐血 , 點知佢話我點知佢話我血紅素(haemoglobin)唔夠,level要過11.5,但係我只得10.7,佢話我夠自己用,但唔夠捐血,唉,一向身體都好好,點解咁0架?難得我有時間去捐......

January   31

今日去買鞋 , 點知我睇0個對無晒我0既碼 , 唔開心呀 , 無新鞋著!不過買左生日禮物俾人 , 唔可以唔要0架!