Diary

June   1

今日無咩特別 , 係有少少mood溫書所以溫左一陣咁囉。夜晚出街食飯 , 同個嬸嬸溝通出錯 , 我誤解左佢問我咩 , 好彩問題唔係好大!

June   6

今日考試 , 都唔知有無攪錯 , 好似出錯卷咁 , 有無可能咁呀 , 分分鐘唔溫都合到格。之後去左奧海城 , 本身枇睇戲 , 但係多人又無咩好想睇0既戲!點知食完野0既時候 , 流鼻血 , 好似d茄汁咁.......唉!d血仲係好"希" , 點算????

June   7

mak g 黎借電腦用 , 之後去左市中心 , 陳明龍幫我同mak g登記左做選民。6 點就走左 , 如果知佢約左人, 就去青衣睇波好過!

June   8

今日 , 都係無溫書 , 仲要俾人扼錢.......好彩有後備 , 唔係都唔知點算!

June   9

今日返左學校做訪問(tvb喎) , 其實出左鏡兩分鐘都無 , 仲無講過野 , 不過唔緊要啦 , 因為係靚女(雖然唔出名 , 但人地話晒都係1998年亞洲小姐季軍)訪問我地 , 睇下佢都夠啦!夜晚打波盲唔好提啦 , 差到無人有.......收到你電話 , 我已經好開心!

June   10

今日練波 , 我覺得我打得好左 , 不過阿sir仲係好唔滿意 , 唔緊要啦 , 我會再努力d!搭車返屋企0既時候勁大雨 , 有傘都濕身呀!屯門公路又有段路無燈 , 好似大陸咁!之後返到屋企 , 可怕0既事就發生啦 , 風筒漏電 , 令到全屋無電 , 勁驚 , 好大火花呀!
今日我講過0既野 , 我會做 ,既然你咁唔鍾意!

June   11

好耐無去補習 , 搭輕鐵0既時候訓到過左站 , 唉!腳眼有個位紅左 , 按落去會痛 , 唔知發生咩事呀!苦惱!

June   12

今日真係一個字講晒----唉!考試用左一個鐘去諗一分0既題目 , 痴線!之後去poly睇完展覽之後 , 搭車返屋企 , 點知塞車!返到去好趕咁去打波 , 點知去到佢話籃總無book場 , 過份!

June   13

今日想去自修室 , 但係太多人 , 去唔到!係我無諗過0既情況下 , 竟然見到你 , 祝你去旅行玩得開心d!

June   16

今日考0個科 , 我諗多數都要re-exam.....鬼咩 , 本來都想吹多d野落去 , 但係一路考 , 個肚就一路痛 , 發晒癲咁!同我熟0既人都會知我腸胃唔多好 , 但係就唔知我肚痛有2種:
1.勁痛勁痛但去完廁所之後就會無事。
2.唔係痛但係攪攪下 , 個肚空明明係 , 結果無野出但又要去廁所坐 , 坐一陣又走 , 走完一陣有去坐!
我最怕就係第2種 , 永遠唔知幾時先唔再痛 , 最衰係唔重要0既時刻佢唔黎呢!shit呀!

June   23

俾人扼的一日 , 第一俾人扼左返學校做project , 點知d lab無開......想死!第二 , 俾人扼左去練波 , 明明話去又唔去 , 仲要電話都無個 , 勁過份 , 好彩其他人去左 , 如果唔係我都唔知點算!不過 , 今日嚮我無諗過0既情況下 , 我有手信喎 , 我會珍而重之0既!

June   25

今日無去練波 , 太累啦 , 一打就要打3至4個鐘 , 會頂唔順!結果返左學校 , 做project(其實返去好似陪下同學做咁), 之後娥左人去睇千機變 , 好唔好睇?我會話笑片囉 , 最好睇黃秋生!你成日都攪到我好驚!p.s.身邊的朋友都唔開心 , 希望佢地開心返!

June   27

而家先6點幾 , 但係又好想寫diary , 咁就寫左先啦!今日好早起身 , 10:00am就起左身 , 係唔駛返學以來最早!一早就同個朋友去左大埔 , 本身諗住等佢 , 不過係上水行左一陣 , 等左一等 , 就覺得再等4個鐘係無可能0既事 , 最後都係決定返左屋企先 , 之後先再去過!不過一返到屋企 , 清理晒電腦d野之後 , 就去左訓 , 一訓就訓到5:30!哈哈 , 所以結果都係無去到!之後去明愛 , 又話talk , 點知去到係workshop , 仲要有人錄video , 叫我去0個個就好醒咁著左草......攪左3個幾鐘呀 , 俾人扼 , 真係慘! 今日發現第時千祈唔好俾我生bb , 如果生女0既話 , 我諗我會日日都擔心都訓唔著!

June   28

今日一早起身 , 就係為左睇棋魂 , 哈哈!之後同左阿豆去深水�蘩囿i衫 , 都幾靚喎 , 不過要俾錢就......之後去左沙田 , 由荔景去好快就去到喎 , 沙田真係好多人!好彩有楊恩咋 , 如果唔係一定悶死我 , 好似一個人行咁 , 但係我都無咩唔開心喎!不過今日都有d眼訓 , 都唔係好多力去講野!跟住就返屯門lu , 行街行到有d悶 , d野睇來睇去都係0個d , 再咁行落去 , 真係得個行字!好開心你打俾我 , 其實有時我都好易就覺得滿足 , 唔知呢?

June   29

今日成點先起身 , 第一時間check下d牙 , 因為我發夢無晒d牙呀!之後同左李灝明去打波 , 勁曬 , 但係我都唔係黑左好多!因為打波 , 所以今日好早就沖涼 , 哈哈!唔知點解夜晚好鬼眼訓 , 但係訓左一陣就成身燒著咁 , 熱死我啦!

June   30

今日成日嚮屋企訓 , 無所事事 , 但係又超多電話打俾我 , 勁多野記!夜晚出左街 , 無返屋企喎!