May   11

今日由8:00am出街 , 到23:45pm先返home , 我都覺得自己傻左!不過下星期又會係咁啦!打完頭場食完飯 , 都只不過13:00到 , 咁就同仇仇行左一陣德福 , 之後嚮德福坐到15:00到 , 勁講打波 , 哈哈!之後就去左體育館 , 嚮觀眾席最無人睇到0既地方訓左一陣(勁似......)打完波 , 阿sir講左勁多野 , 之後仲睇左一陣波 , 最後去左m記添!總之今日就係傻啦!不過都好多謝仇仇唔返屋企(唔理係佢唔想返定點啦)同我去癲 , 呵呵!

May   15

今日終於拍左過interview , 之後就係剪片 , 唔知做唔做到個mood呢!

May   16

今日一早就返左學 , 結果無無聊聊上了幾堂 , 就去左剪片 , 睇到唔想睇啦 , 睇左勁多次啦!到左差唔多7點先走 , 好累好累 , 之後去左搵人!唉 , 做"咕呢"之外 , 仲要俾人打左野 , 仲要俾人話賤人......好人無好報呀!無天理!我諗左好耐先諗到唔直接俾你0架 , 希望你鍾意啦!

May   17

星期六都仲要返學倣project , 累到不得了 , 昨日已經14:00做到19:00 , 今日仲勁 , 由10:00做到18:00 , 作死咩! 呢幾日都見到d year 3 著suit present , 死啦 , 我第時都要呀?唔係好想喎!

May   18

旺角真係旺角......俾人見到啦!好似好多人知咁啦......不過真係好多謝你!

May   19

今日夜晚阿豆打黎 , 我話我而家先放學 , 佢就問左一句「你返學定返工呀?」我都唔知點答好 , 因為我真係返學返都返工咁。同佢講左一陣 , 佢都幾黑 , 教練都無......好肥呀我 , 影d相出黎個面勁圓 , 都話唔影0架啦!

May   20

今日都幾黑 , true or false 10錯9之後 , 無飯食之外 , 我好鍾意0既鎖匙扣 , 夜晚俾阿sir勁鬧......最開心都係講左一陣電話咋!

May   21

都算係開心的一天啦 , 如果可以......就好啦!不過都係無膽試 , 我感覺到你唔想喎(無feel錯的話) , 算啦 , 順其自然!我會乖 , 唔再諗d唔開心0既野0架啦!

May   22

今日係悶的一天 , 一返到學就玩d audio , 不過係勁嚮mac機click only , 勁悶!之後上storyboard , 又畫野 , 唔眼訓都無咩所謂 , 眼訓就真係好難頂!今日我地班唔知發生咩事 , 洪仔唔見銀包 , vikki唔見電話 , 希望佢地快d搵返啦!

May   23

坐車返學都浪費晒我d時間同金錢 , 返到去又無野做 , 悶到死!夜晚又無得打波 , 咩都做唔到......知道聽日唔駛去開會 , 但係要做會員 , god呀 , 2字頭啦 , 仲去做會員 , 仲要同其他人報 , 都唔知得唔得0架!唔好問我點解 , 無mood就無mood!

May   24

心情奇差.........

May   25

做錯事 , 希望大家都唔好放上心啦!心情更差.....差都無人有!

May   26

發左癲 , 但係心情因此好左d , 發洩左嘛!

May   27

打波整親腳 , 雖然唔嚴重 , 但係都想睇下跌打 , 費事有手尾 , 又可以快d好!不過未諗到幾時得閒去睇!