Daddy同Mummy帶左我去愛護動物協會總部度看醫生，知道我怎樣被Daddy"運送"出街嗎？對不起，唔係鬼竄袋，係我最怕既黑房呀！（Mummy按：黑房=紙盒一個）舟車勞頓加上Daddy又唔識路，搞到我暈陀陀同埋呢又好驚呢，我咁大個仔都未出過遠門既！

去到診所，雖然Daddy抱住我，但都好驚嘛．．．所以護士姐姐幫我磅重時，我咪一支箭咁走左去囉！最後Dad & Mum只好將我連盒一齊磅重，我而家0.5歲大，都有成1.25kg咁重嫁。我又見到好多好大好大隻既狗狗，我仲周圍去識朋友添，有隻狗小姐仲kiss左我一下，嘻嘻！

入到診症室，獸醫姐姐先確定下我係男定女先，我係張檯上係咁爬，好想走但又被助手哥哥捉住左唔郁得，為左確定我既傷勢，獸醫姐姐好細心咁幫我檢查，又好溫柔咁放我落地走走。最後獸醫姐姐話我可能整親ｄ骨（要靠自己好番喎），最怕係我傷口受感染，所以要打針、洗傷口同食藥。

看完醫生之後，Daddy同Mummy送左我返屋企。夜晚Daddy餵我食藥，ｄ藥實在實在太太太難食啦！我掙扎左好耐都逃不離Daddy既”魔掌”，捽之我第一次食藥就食到成面係．．．Daddy下次可唔可以將ｄ藥溝落益力多或者炸魚皮又或者菜度呀，ｄ藥好難食！我以後都唔要食藥！我淨係要炸魚皮！！！（炸魚皮！炸魚皮！炸魚皮！）