舞緣份? ( 3 )
過多一個星期就係情人節啦…
情人節對於暗戀左慶太咁耐既小魚黎講，真係好重要…
小魚正苦惱緊究竟好唔好同慶太表白…
另一邊，慶太又好期待收到小魚既情人節禮物…
w-inds.既經理人突然要慶太、涼平同龍一到經理人既屋企商討要事…
原來公司要三人到美國進修音樂、舞技一個月，公司已經落實左，要佢地響情人節正日晚上出發。
公司不打算公佈消息…決定響呢段期間向外界解釋三人放長假。
除左w-inds.既fans送唔到禮物俾偶像之外…小魚都可能送唔到禮物俾鍾意既慶太。
小魚花左一個禮拜既心機去準備送俾慶太既情人節禮物，當晚小魚到慶太既屋企搵慶太…
但係無人應門…小魚一直等…本來趕到機場既慶太一想到小魚可能響度等緊自己，
不放心咁拋底行李搭的士趕回家，「喂！慶太！你去邊呀？」龍一同涼平問，但係慶太只記掛小魚，無回應到
龍一佢地…
跑到屋企門口…只見禮物放響郵箱裡面，小魚已經走左…連講句多謝既機會都無…
但係慶太唔理得咁多，慶太抱住小魚俾佢既禮物趕返去機場，安心咁去左美國…
小魚成一個月都無見過慶太…加上，慶太無聯絡過佢…
小魚鑽牛角尖…以為慶太真係唔鍾意佢…諗起當初慶太既個一句，就越諗越唔開心…
小魚成個月都無上跳舞堂，因為佢唔想見到個排舞室就諗起慶太…
越黎越唔開心既小魚，正想返香港散心，準備向公司請假…
今日係3月14日，係男仔回禮俾女仔既日子…
亦都係w-inds.由美國返日本既日子，慶太心想：「終於返來日本啦！又可以見返小魚啦！」
小魚正打算今晚離開呢個傷心地，返香港散心…
慶太正趕去小魚屋企既時候，小魚拎住行李走到屋企樓下既海旁吹下海風就走…
慶太走到小魚屋企門口，但係無人應門…
慶太急急打電話返公司問下小魚發生咩事…
「櫻井？佢請左假返香港呀，佢今晚就走架啦！」
慶太收線後，即刻跑到小魚屋企樓下…
「小魚！小魚呀！」慶太急得不停咁大嗌…
小魚聽到慶太響度嗌佢，「慶太！係咪慶太呀？」
二人見到對方，慶太激動得跑去攬住小魚…
「嚇死我啦…求下你唔好走呀…」
「慶太…我以為你以後都唔會再見我呀…」小魚都激動得就快喊…
「小魚，呢個係俾你既回禮…」
小魚垂低頭，只見一個粉紅色既小心形盒
慶太打開小盒，「可以你嫁俾我嗎？」
小魚受寵若驚，「真係…？我唔係發夢嗎？」
「我話過只要遇到鍾意既女仔，我就會即刻考慮結婚嘛」「呢個月我已考慮得
好清楚，我真係好鍾意你…」
「慶太…」小魚已經感動得喊左出黎…
二人在海旁相擁，在隱約既燈光之下，佢地已經向對方許下終身既承諾…
最後，小魚決定留響慶太身邊，不離開佢…
( End )