球衣搜刮篇

今日我同白毛、王晶一齊出去旺角睇新球衣,
分別去左兩間運動公司搜刮.
第一間係球衣超級廣場,
我同白毛一入到間鋪就有一個著住白色背心仔嘅妹妹仔
上前招呼我地,仲同我講話我好熟面口,
之後我地刮下刮下,見到有一件白色底紅色字嘅球衣幾好樣,
就問呢個妹妹仔咩嘢價錢啦,點不知一埋牙個妹妹仔原來唔知價,
跟住就介紹另一個又係著背心嘅女經理Irene Lam招呼我地,
點不知佢第一句就同白毛講,
'依!你好熟面口喎',乜又係呢句開場白架!
不過白毛話真係認得佢,
佢以前係super-X度做嘅.經個Irene介紹之下得知球衣資料如下: 

全套 (包括貼布車隊名、人名及前後號碼)
 $128

單衫 (包括貼布車隊名、人名及前後號碼) 
  $90

絲印服務 
 $30 / 色

絲印數字 
 $20 / 色

用料 : 細孔布 

特點 : 通爽

同Irene埋身傾完之後以單衫 + 絲印雙色(贊助商標誌)
+ 改領拉架質料 = 約 $128 / 件
之後阿Irene仲借左佢件版同埋大中碼球衣俾我地,
可以拎俾d隊友試試,仲借d倚問阿白毛攞埋個聯絡電話添.

*******           續            *******

離開呢間鋪之後,我地就跟住王晶去佢學校對面
間體育用品公司再刮過.

入到呢間鋪頭,見到有一個著住花花球會球衣o既模型公仔,
白色底紫色邊,都幾Sharp.
跟住個sale行埋o黎話呢件係佢地公司贊助花花o既球衣,
仲話件衫隻質料係一種叫Air-lite one造o既,
而號碼o既物料係選用現時英超聯球衣o既3M熨字.
我地親手摸過,球衣o既質料有八分像我地依家著緊o既Nike
質料,而熨字就更加美觀.
個sale話可以影張相俾o的隊友望望,我問佢可唔可以著住o黎影,
佢話ok無問題,我地就派o左廿七軍網頁六月之星o既春春
同埋將會成為七月之星o既競競試著,
你地睇o下靚唔靚?

單衫 (包括熨印贊助商標誌及背後號碼) 
  約 $140

用料 : Air-lite one

特點 : 透氣通爽、質輕舒適、排汗快乾、
           耐洗常新

******      完      ******