賽事精華    (28/04/2004)  V.S 白毛同事

                      可能係由於廿七軍參加左聯賽杯既關係,今場踢番友誼賽,個個好似踢表演賽咁,腳法盡現,但可惜腳法有限,所以. . . . . . . . . . . . .

                       上半場由於白毛同事人腳唔齊,唯有借阿東同寶強俾佢地。亦由於人丁單薄關係,所以將賽事分成三節進行。

                      第一節雙方可算係勢均力敵,大家都無乜攻門鏡頭出現,不過廿七軍既隊員都算能夠控制大局,但係前鋒阿King可能腳傷關係,未能把握埋門機會,最後互交白卷。第二節廿七軍加入秘密武器王晶..晶..晶..晶..,明顯攻勢堅左,最少白粉仔阿春取得一個士哥先啦!但係領先都無幾分鐘就俾倒戈既阿東射穿阿勇個十指關追成平手。到左第三節廿七軍一改以往陣容,將全條中場線與後防線對調,由光仔踢清道夫,阿威踢左閘,我相信熟識廿七軍既隊員都應該估到,呢條後防線必定兇多吉少。無錯,最後廿七軍係呢節再輸多三粒4比1完場。

                     唉!仲話搵人黎練波添,點知. . . . . . . . . . . . ,我諗唔使幾耐白毛班同事一定會再約廿七軍執多劑啫。

           出席球員