賽事精華    (29/05/2004)  V.S 寶強朋友

                    今仗廿七軍係應寶強朋友之邀請首次踏足衛理道仿真草球場,與九龍仔比較黎講,呢個場既草地更加厚更加軟熟,但係唯一唔掂就係個龍門竟然好似天光道咁細,條門柱隔離仲要有個欖球架添,不過寶強朋友話今次因為架積車壞左,所以先至唔可以換個大龍門黎踢喎。

                   由於今仗於週末舉行,所以有部份平時較少蒲頭既隊員都不約而同咁出席,當中包括王晶阿競Prince同埋鈞仔,仲有D唔係隊員既廿七期黎棒場添。

                   上半場開波喇,寶強班朋友整體上都比廿七軍既隊員優勝,不過由於表現神勇既守門員阿勇屢次撲出險球,先至可以力保不失。賽事直到廿分鐘左右,廿七軍係大禁區外博到一個罰球,並由準新郎阿Cook主射,皮球跨過人牆中門眉彈入,廿七軍領先一比零。之後對手剩廿七軍門前混戰及藉阿勇開龍門球斬唔起兩個機會反勝二比一,不過準新郎阿Cook紅運當頭係下半場門前執雞追成平手。但到臨完場幾分鐘,一向穩守既鈞仔竟然'漏油',咁就賴左篤夜尿輸左三比二喇。

                                                                                出席球員