賽事精華    (27/06/2004)  V.S MBJFC

                雖然呢場係足總杯淘汰賽及初遇MBJ FC，但一班對賽前抱住'食滑你'心態的廿七軍沒有半點緊張，在前往場館途中大笑大叫，又話你兩球我三粒咁，好輕鬆又威風。但當到達元朗大球場之後，好像一班天真無邪玩住波子的小朋友，遇到升降機失靈、從天台直墮地下咁.....面型扭曲、心跳加速、瞳孔放大、手心霧汗，甚至有人失禁標尿，更有人破聲濠哭通場跑、邊跑邊哭叫進入失常狀態.......！！！我記者毛見到亦有一點點傷感！！！WHY..........W.H.Y.......。

               試問'食滑你'從全球字典都查唔到以下o既注釋同答案.........一群近二十人貌如晨晞的露筍~青BB..OWL..好Young呀！而強壯的身軀亦如剛落選之健美先生一樣？？So Strong!圍圈做熱身、玩啞呤、度高、磅重、跑圈、跳高、標槍、打針食藥，無所不施其技，何其壯觀！而回望僅餘一位後備全軍十一、二人的廿七軍，嚡！大家聰明而又認識廿七軍o既讀者都可能已經知道，'食滑你'係咪咁解！所以廿七軍有如此失常之反應亦相當合理。

             在如此環境.....突然！一線'柱'光射在黎校長身上(C456)，他更鼓勵：大家精神o的！阿虎話每場勝仗有五仟o架！今日如果大家全力以赴、不論勝負、都每人一個Full、一件北姑，大家聽到如此支持即時回服心情準備應戰。黎校長再引用講波佬黃興桂話：『睇o黎呢場唔輸就應該贏喇！』真係佳句好有意思....呀！隨即球賽亦開始。

             球賽開始初段廿七軍都打得好保守作穩守突擊，而最有Feelo既莫過於球場中傳出陣陣英語、Let's go....follow.....run run run!..don't give up!...go..go..go!..最為有Feel o個句就係佢俾球証吹罰手球時大叫：Is not my hand is my mouth! is my month!!!直頭有置身英超o既感覺，踢波學英文....正。但踢下踢下好似唔多對路，佢o地踢來踢去都响中場又唔攻又唔盛，凈係裝越位都唔知想點，但俾魯富識破隨即就拔出把孖人(又名二尺四)大喝隊員:『上呀、衝呀、殺呀!』於是全隊轉守為攻，好快亦憑著'圓形'黎校長巧妙o既傳送加上'魯富'超凡o既技術射爆呀...係射破對手的十指關而領先一比零完成上半場。點入.....都係帶到..K角位......唉！唔講喇，講到膩曬，大家都知又是招牌o個隻。

            下半場廿七軍繼續採取主動，攻呀..攻呀...攻呀.攻，好快魯富憑個人突破再入多一粒.『睇怕呢場唔輸都應該贏喇！』，但身為隊長o既大(把嘢)吉突然同多名中後場o既球員猜起杖上o黎，仲鬼咁大聲差o的俾球証睇到俾牌添，更埋怨無波踢、無汗出，一對展露出屎忽形態o既鬼，更在後場Talk three talk four.邊個加埋大(把嘢)吉係一對?就梗係賭聖個師弟...臭..口..勝啦!場波大家都好比力及盡力，最為賣力o既就係阿東東，走上走落猶如...一頭獵狗、通山走！勁！！一路落都踢得好順好好，而兼任攝影員的美綠突然放下攝影器材，瘋狂地做起熱身來，更色誘領隊自稱腳痕要求出場露兩腳。所以在餘下的十多分鐘美綠就出場接替校長，佢一出場就真係腳痕，未掂波就將對1500蚊o既日本版'愛迪達'正鞋放在對手的腳脛上，即一腳踢跌對方，睇怕佢真係腳痕！佢雖然偽裝毛瓜，行o左去但亦難逃一記Yellow Card!!下次提佢腳痕就踢o下垃圾桶、踢o下燈柱、踢o下毽子止o下痕，唔好踢人喇。到最後未再增添紀錄以2:0小勝對手。

            雖然匪徒犯罪o既手法層出不窮，但今次採用了高科技拍攝比賽情形，令匪徒無所遁形，好像扮毛瓜的美綠，和全場差不多行或企足的光仔，以及扭過三名對手但原地不動，卓號'地旋陀螺'的肥仔，最後當然有單刀面對龍門唔識起腳又賴俾人推跌o既白先生，各自死撐多多藉口........無用o既.....睇帶咪見到犯案的過程囉.........破案！

            總括大家當日的表現超過75分而控球指數亦同樣75%。這才是廿七期，廿七軍努力...加油！！！                                  

                                                                                                       毛仔

                                                                                出席球員