賽事精華    (09/08/2004)  V.S MBJFC                                                    

               一班信心爆棚o既同期步進地獄主場"摩士"再戰MBJFC,在進場期間新加盟的球星阿輝更含著成口蒜頭話:哦!呢班呀!踢過啦,剿梗啦!更向其中一位對手話:剿爆你!當球證點好人之後球賽正式開始。初期大家都五五波,廿七軍仲有少少甜甜地,而值得一提就係光仔,由於現場設有攝影器材,所以好比力咁跑上跑落好活躍,但最令人費解o既就係當响鏡頭影住他時,無波在腳都走來走去,好似練習來回跑咁,趣怪非常!

              上半場經過一輪苦戰後終於憑著唔使問邊位o既富仔,亦都唔使問點解,又係K角位勁射,打開記錄領先一比零,在完半場前飽受槐花毒害o既校長亦受不了,嘔住白泡呻吟著爬出場,由久別o既蕃薯入替。

              下半場比上半場更苦,富仔變o左大富豪至紅o既小姐,行完枱鐘又落full仲出埋街鐘,成場俾兩條仔mark住,動彈不能好不痛苦。而對方又加入兩名穿著球證制服o既球員比賽,頻頻吹越位好似住响難民營咁唔理你係南越定係北越,仲針住富仔o黎吹,搞到富仔禁不住,射了. . .粗口出來領取黃勳章,最後對手憑住一記角球混亂中撞入追和一比一完場。

              總括廿七軍係非常合拍,唔使打數都可以一齊無氣無力. . . . . .,佩服!佩服!

                                                                                出席球員